1 Korin 14:30 - Nupela Testamen long tokples Kandas

³⁰ Ra taio kura i kis una lotu, in rakon tu wasiso tan o God, o naro ra kura i wasiso in mana.

1 Korin 14:30 ပူးပေါင်းရင်းမြစ်များ

1 Korin 14:26

A kum tistising, asau an watungi? Ra mot kis tomo una lotu, ara taro det in kelekele, ara taro det in ususer a taro, ara taro det in wasiso puaso un tu utna ra o God i sa ese tari tandet, ara taro det in wasiso nama wur ngas na wasiso, ma ara taro kai det in palos a kukuraino. A kum utna rop ri din pami sur in udekdek a taro na lotu.

1 Korin 14:29

Lako ru o lako tul, detul in wasiso na poropet, ra a taro det in nuknuk wakak una nundetul a wasiso ra i lingmulus o awu.

1 Korin 14:31

Ra mot rop mot nem na wasiso na poropet, i wakak sur ara munung in wasiso, ra numur ara bulung, tuk mot rop mot in wasiso. Mot in pami lenra, sur a taro rop det in los a etowo, ma in uragot det.

1 Korin 14:6

A kum tistising, ra an nanpat torom mot ma an wasiso nama wur ngas na wasiso, an warut petlan mot? Ikut, ra a nemi sur an warut mot, an wasiso torom mot nama wasiso ra o God i sa upuaso tari tang, o an wasiso nama mananos, o a wasiso na poropet, o a etowo torom mot.