1 Korin 14:3 - Nupela Testamen long tokples Kandas

³ Ikut, taio ra i wasiso na poropet, i wasiso torom a taro sur in udekdek det, in uragot det ma in umarom det.

1 Korin 14:3 ပူးပေါင်းရင်းမြစ်များ

Luk 3:18

Ra o Jon i warawai torom det nama Wakak na Wasiso i udekdek det nama susut na wasiso sur det in pukus anundet a nilaun.

Aposel 13:15

Ra di sa luk tar a kum wasiso tagun a Buk na Warkurai anun o Moses, ma a kum wasiso anun a kum poropet, a kum mugumugu tagun a rumu na lotu det pitar a wasiso torom der lena, “Aru tistisi met, ra tu wasiso na ururagot kura sur mur in inanos a taro nami, mur in wasiso kut.”

Aposel 14:22

Ra der uragot a taro na ususer tagun a tulu tamon ra, ma der wasiso na warut torom det, sur det in tur dekdek una nurnur anundet. Der watungi lena, “A susut na utna in monong mugu tar dat, numur dat in ruk una matanitu anun o God.”

Aposel 15:32

O Judas ma o Sailas der pitar a susut na wasiso sur der in uragot a taro ra det tar tistisino una nurnur, ma sur der in udekdek det, uni der aru poropet.

Aposel 4:36

Ma o Josep kai, ara musano tagun a ailan Saipras, tagun a kabotaro Liwai, ma a kum aposel det watungi nam o Banabas, a kukurai ino lena “tene ururagot”.

Aposel 9:31

Numur a taro na lotu tong una tulu papor Judia, Galili ma o Samaria, det kis na malmal. Det kis nama urur torom a Labino, ra a Tokodos na Nion i uragot det. Ra a niluluk ina taro na nurnur i labo nanan.

A Pas anun o Pol torom a taro Rom 12:8

Ma osi ra o God i pitar tar a etabor na ururagot tano, i wakak sur in uragot a taro nami. Ma osi ra o God i pitar tar a etabor sur in tene etabor, i wakak sur in palos lamano torom a taro. Ma osi ra o God i pitar tar a etabor sur in mugumugu, i wakak sur in papam dekdek sur in mugu wakak a taro. Ma osi ra o God i pitar tar a etabor sur in tene marmaris, i wakak sur in maris a taro nama gasgas.

A Pas anun o Pol torom a taro Rom 14:19

I mo ra dat in dekdek sur dat in pam a petutna na malmal, ma sur dat in udekdek a nurnur anundat etetalai.

A Pas anun o Pol torom a taro Rom 15:2

Dat rop taktakai dat in nuk pasi kai a pasandat, ma dat in pam a kum utna ra in waruti, ra in udekdek anun a nurnur.

1 Korin 10:23

Sako taio in watungi lena, “A kum utna rop i wakak kut sur dat in pami,” ikut, awu sur a kum utna rop in warut dat. “A kum utna rop i wakak kut sur dat in pami,” ikut, awu sur a kum utna rop in udekdek dat.

1 Korin 14:12

Lenkutkai ra torom mot. Mot ser dekdek sur a kum etabor anun a Tokodos na Nion. I wakak sur mot in dekdek sur a kum etabor ra in udekdek a taro na lotu rop.

1 Korin 14:17

I lingmulus, anum a niaring na watung wakak torom o God i wakak, ikut ke udekdek a taro.

1 Korin 14:26

A kum tistising, asau an watungi? Ra mot kis tomo una lotu, ara taro det in kelekele, ara taro det in ususer a taro, ara taro det in wasiso puaso un tu utna ra o God i sa ese tari tandet, ara taro det in wasiso nama wur ngas na wasiso, ma ara taro kai det in palos a kukuraino. A kum utna rop ri din pami sur in udekdek a taro na lotu.

1 Korin 14:31

Ra mot rop mot nem na wasiso na poropet, i wakak sur ara munung in wasiso, ra numur ara bulung, tuk mot rop mot in wasiso. Mot in pami lenra, sur a taro rop det in los a etowo, ma in uragot det.

1 Korin 8:1

An inanos mot una kum utna na inangon ra di sa etabor taru nami torom a kum torotoro na god. Dat tasmani lena, dat rop dat sa mananos. A mananos i ser pam pat a petutna sur taio in dat walos in lorino, ikut a marmaris i ser pam pat a petutna sur taio in udekdek a taro.

2 Korin 1:4

I ser umarom met una kum mamaut rop ra met taramo i, sur met kai met in umarom a taro, ra a kum mamaut i los det, nama umumarom ra o God i pitar tari tamet.

2 Korin 2:7

ra uniri, mot in dumano ru anun a petutna ra, ma mot in umaromi, sur gong i tupunuk dekdek, ma in puku saksakit.

Epeses 4:29

Ma gong tu laulau na wasiso i pirso gusun a wamot. Mot in watungi kut a wasiso ra i wakak sur in udekdek a taro ma in warut det una utna ra det sibo suri, sur anumot a wasiso in pam a wakakino torom det ra det longoro mot.

Epeses 6:22

I mo ra a tulu ru i torom mot, sur mot in tasman anumet a nilaun nin i pepetlai, ma sur in uragot mot.

Kolosi 4:8

A tulu ru i torom mot, sur mot in tasman anumet a nilaun nin i pepetlai, ma sur in uragot mot.

1 Tesalonaika 2:11

Mot tasmani lena anumetul a petutna torom mot rop taktakai, i elar nama petutna ra ara musano i pami torom a kum nutnutunu.

1 Tesalonaika 2:3

Ra metul saring mot sur mot in nukpukus, awu sur anumetul a wasiso i raro, awu sur kai metul wasiso nam tu sakino nuknuk, ma awu sur metul toro pas mot.

1 Tesalonaika 3:2

Ra mir sa tulu ru o Timoti a tisindat, ma a tene pinapam anun o God tomo nam mir, ra metul ser wasiso talapor nama Wakak na Wasiso un o Karisito. Mir sa tulu ru i torom mot, sur in udekdek mot, ma in uragot mot una numot a nurnur,

1 Tesalonaika 4:1

A kum tistisi metul, metul sa ususer tar mot una ngas na nilaun ra mot in laun nami sur in ugasgas o God, lar ut ra mot sa muri. Ra uniri metul saring mot, ma metul udekdek mot una risan a Labino o Iesu, sur anumot a nilaun in lubung dekdek lenutra.

1 Tesalonaika 4:18

I mo ra mot in uragot etetalai mot nama kum wasiso ri.

2 Tesalonaika 3:12

Una risan a Labino o Iesu Karisito metul turbat a ngas na taro ra, ma metul saring det, sur det in kis wowowon ma det in papam sur andet lako utna na inangon ra det in laun nami.

1 Timoti 1:4

Ma gong det balon una kum etowo ororos kut, ma a kum utatos, ra katu ururopino. I ulabo i kut a wasiso na engaras, ma ke warut a pinapam anun o God. A pinapam anun o God i lubung kut una nurnur.

1 Timoti 4:13

Un dekdek nama luk a Buk Tabu torom a kum tene nurnur, ma nama warawai ma a etowo torom det, tuk an nanpat.

1 Timoti 6:2

Ma det ra anundet a mugumugu a tene nurnur, gong det rosumur gusuni, uni det tasmani lena det tar tistisino una nurnur. Det in ser mur wakak anun a wasiso, uni anundet a pinapam in warut a tene nurnur, ra det ser nemi. Timoti, un ususer det ma un udekdek det nama kum etowo ri.

2 Timoti 4:2

Un warawai nama Wakak na Wasiso. Un dekdek uni, una kum bung ra a taro det nem na longoro ui, ma a kum bung ra ka det nemi. Un ukodos wakak a taro, un upuaso anundet a kum niraro torom det ma un uragot det. Un pam a kum utna ri nama wowowon na petutna torom det ma un ususer wakak det.

Taitus 1:9

In pam ukai a lingmulus na wasiso ra di sa ususer tari nami, sur in uragot a taro una tokodos na etowo, ma in watung puaso a niraro anundet ra det turbat a Wakak na Wasiso.

Taitus 2:15

Un ususer det nama kum wasiso ri. Un uragot a taro, ma un watung puaso anundet a niraro umatandet. Un pami nama dekdek ra kura torom ui. Ma gong u madek tar taio sur in tama pisopiso ui.

Taitus 2:6

Lenkutkai ra, un uragot a kum barman, sur det in tamtamabat wakak anundet a nilaun.

Taitus 2:9

Un inanos a kum tene ititula sur det in taromlu anundet a kum mugumugu una kum utna rop, ma det in ugasgas det nama kum pinapam rop ra det in pami, ma gong det balu wasiso.

Ibru 10:25

Gong dat mana gusun anundat a kum kinkinis tomo una lotu, elar nama ramano taro det ser pami. Dat in uragot etalai dat, ma dat in dekdek uni, uni mot tama i lena a bung na inawan pat anun a Labino i sa milau.

Ibru 13:22

A kum tistising, a saring pas mot sur mot in longoro wakak a wasiso na warut ri, uni a pas ri a tumusi torom mot awu sur i walos.

Ibru 3:13

Mot in uragot etetalai mot una kum bung rop, ra di watungi utmakai lena “uniri.” Mot in pami lenra, sako a sakino petutna in toro pas taio tagun mot, ma in udekdek bat in balano.

1 Pita 5:12

O Sailas i warut iau ra a tumus a nat na pas ri torom mot. O Sailas a tising una nurnur, ra a nurnur doko uni. Una pas ri, a nemi sur an udekdek mot ma an wasiso talapor una marmaris mulus anun o God. Mot in tur dekdek uni.

A Pas anun o Jud 1:20

Ikut mot, a kum wakak na paspasang, in wakak ra mot in udekdek mot una numot a tokodos na nurnur sur in lubung, ma mot in wararing nama dekdekin a Tokodos na Nion.