1 Korin 14:26 - Nupela Testamen long tokples Kandas

²⁶ A kum tistising, asau an watungi? Ra mot kis tomo una lotu, ara taro det in kelekele, ara taro det in ususer a taro, ara taro det in wasiso puaso un tu utna ra o God i sa ese tari tandet, ara taro det in wasiso nama wur ngas na wasiso, ma ara taro kai det in palos a kukuraino. A kum utna rop ri din pami sur in udekdek a taro na lotu.

1 Korin 14:26 ပူးပေါင်းရင်းမြစ်များ

A Pas anun o Pol torom a taro Rom 1:13

A kum tistising, a nemi sur mot in tasmani lena, a susut na bung a nuki lena an nan torom mot, sur an warut mot tuk ra an tama a win anung a etowo una numot a nilaun, elar nama win anung a etowo ra a tama i una kum tamon gisen tandet ra awu sur a taro Juda. Ikut, tuk uniri, a kum utna i turbat iau, ma ka wan lar pas.

A Pas anun o Pol torom a taro Rom 12:7

Ma osi ra o God i pitar tar a etabor sur in tene warut, i wakak sur in warut a taro. Ma osi ra o God i pitar tar a etabor sur in tene ususer, i wakak sur in ususer a taro.

A Pas anun o Pol torom a taro Rom 14:19

I mo ra dat in dekdek sur dat in pam a petutna na malmal, ma sur dat in udekdek a nurnur anundat etetalai.

A Pas anun o Pol torom a taro Rom 15:2

Dat rop taktakai dat in nuk pasi kai a pasandat, ma dat in pam a kum utna ra in waruti, ra in udekdek anun a nurnur.

1 Korin 14:15

Asau an pami? An wararing nama niong, ma an wararing kai nama nuknuking. An kelekele nama niong, ma an kelekele kai nama nuknuking.

1 Korin 14:2

Uni taio ra in wasiso nama wur ngas na wasiso, ke wasiso torom a taro, awu, i wasiso torom o God. A taro ka det tasman a kukuraino. I watung a kum utna na pidik nama dekdekin a Tokodos na Nion.

1 Korin 14:27

Ra lako taro det in wasiso nama wur ngas na wasiso, lako ru o lako tul kut ma gong det susut. Ara munung in wasiso, ma taio in palos a kukuraino. Detul rop detul in pami lenra.

1 Korin 14:40

Ikut mot in mur a kum tokodos na inawan ina lotu, ma gong i lokolokor.

2 Korin 12:19

Pepetlai, mot nuki lena met wasiso bat met kut gusun mot? Awu. Met wasiso nama lingmulus umatan o God elar nama kum tultul anun o Karisito. A kum wakak na paspasa met, a kum utna rop ra met pami, met pami sur in warut mot.

2 Korin 13:10

Iri a kibino ra a tumus a kum utna ri torom mot ra ka wanpat utmakai. Ra an nanpat, kan wasiso nama dekdek na wasiso torom mot, ma kan kuro mot nama warkurai ra a Labino i sa pitar tari tang. I pitar tari tang sur an udekdek mot nami, awu sur an ban laulau mot nami.

Epeses 4:12

sur det in waninar a taro anun o God, sur det ra, det in papam toromi, sur dat a pinin o Karisito dat in lubung.

Epeses 4:16

Un o Karisito, a kudulano pinino i tugus tomo wakak. Ra arara du pinino in pami ut anun a pinapam, a kudulano pinino in lubung ma in dekdek, ma in bukus nama marmaris.

Epeses 4:29

Ma gong tu laulau na wasiso i pirso gusun a wamot. Mot in watungi kut a wasiso ra i wakak sur in udekdek a taro ma in warut det una utna ra det sibo suri, sur anumot a wasiso in pam a wakakino torom det ra det longoro mot.

Epeses 5:19

Ma mot in wasiso etetalai nama kum kelekele tagun a Kum Kelekele anun o Dewid, a kum kelekele na lotu, ma a kum kelekele ra a Tokodos na Nion i tabor mot nami. Mot in kelekele ma mot in rakon lekeleke a Labino nama balamot.

1 Tesalonaika 5:11

I mo ra mot in uragot etetalai mot, ma mot in udekdek mot, lenutra mot ser pami.