1 Korin 14:22 - Nupela Testamen long tokples Kandas

²² A wur ngas na wasiso, i a ukinalong torom det ra ka det nurnur, awu sur torom det ra a kum tene nurnur. Ikut a wasiso na poropet, i a wasiso sur a kum tene nurnur, awu sur a wasiso sur det ra ka det nurnur.

1 Korin 14:22 ပူးပေါင်းရင်းမြစ်များ

A Wakak na Wasiso un o Iesu Karisito o Mak i tumusi 16:17

A kum tene nurnur det in pam a kum utna na ukisin ri: Det in lakro ru a kum laulau na nion nama risang, ma det in wasiso nama kum matok na ngas na wasiso,

Luk 12:46

Anun a labino in nanpat un tu bung o tu du bung ra a tultul ke tasmani, ma ke nuki lena in nanpat uni. Ra a labino in tau kutkutusi, ma in pitar tar a warkurai na minabalu toromi, sur in kis tomo nam det ra ka det nurnur.

1 Korin 14:1

Mot in dekdek una marmaris. Mot in nemnem sur a kum etabor anun a Tokodos na Nion. Ma a etabor ra i wakak doko sur mot in nemi, mot in wasiso na poropet.

1 Timoti 1:9

Dat tasmani lena, a Warkurai awu sur di pitari sur a kum tene tokodos, awu. Di pitari kut sur a ngas na taro lenri: det ra det lakai a kum warkurai, a kum tene rosumur, det ra ka det mur a petutna ra i wakak umatan o God, a kum tene sakino, det ra det dur umatan o God, det ra ka det ser ru o God, det ra det um doko a taro, det ra det um doko a kum tamtaman det o a kum nanan det,