1 Korin 14:15 - Nupela Testamen long tokples Kandas

¹⁵ Asau an pami? An wararing nama niong, ma an wararing kai nama nuknuking. An kelekele nama niong, ma an kelekele kai nama nuknuking.

1 Korin 14:15 ပူးပေါင်းရင်းမြစ်များ

Aposel 21:22

Ra asau mo dat in pami, ra det in longoro i lena, u sa wanpat urin?

A Pas anun o Pol torom a taro Rom 1:9

A papam torom o God nama nung a nilaun rop, ra a ser warawai nama Wakak na Wasiso un o Nutunu, ma o God ut i tasmani lena, a ser nuk pas mot

A Pas anun o Pol torom a taro Rom 3:5

Ra dat pam a sakino, anundat a sakino i ese mulusi lena, o God i tokodos. Pepetlai, o God i raro sur in warkurai dat uni? Awu ut! A ngas na wasiso ra, i wanpat tan a taro kut. Gunuk ra anun a warkurai ke tokodos, ken warkurai lar pas a taro tagun a rakrakon bual. Ikut i tokodos ut, ra in pet lar pasi sur in warkurai det.

A Pas anun o Pol torom a taro Rom 8:31

I mo ra, asau mo dat in watungi una kum utna ri? Ra o God i kis tomo nam dat, osi mo in ebar tomo nam dat? Katutaio.

1 Korin 10:19

Asau a kukurai ina nung a wasiso? A utna ra di etabor taru nami torom a torotoro na god, katu utna i gas uni, ma a torotoro na god ra di etabor toromi, i kai katu utna i gas uni.

1 Korin 14:14

Ra a wararing nama wur ngas na wasiso, a niong i wararing, ikut a nuknuking ke nuk tu utna.

1 Korin 14:19

Ikut ra a kis tomo nama taro una lotu ma an watungi kut lako limo na du wasiso ra a kukuraino in talapor torom det sur an ususer det nami, i ra i wakak doko taun a noino arip na du wasiso una wasiso gisen, ra ka det in longoro lele i.

1 Korin 14:26

A kum tistising, asau an watungi? Ra mot kis tomo una lotu, ara taro det in kelekele, ara taro det in ususer a taro, ara taro det in wasiso puaso un tu utna ra o God i sa ese tari tandet, ara taro det in wasiso nama wur ngas na wasiso, ma ara taro kai det in palos a kukuraino. A kum utna rop ri din pami sur in udekdek a taro na lotu.

Epeses 6:18

Mot in wararing nama dekdekin a Tokodos na Nion una kum bung rop, nama kum wur ngas na niaring rop. Mot in kis na waninar, ma mot in ser wararing sur a taro rop anun o God.

Pilipai 1:18

Ikut katu utna ra det warawai nama sakino nuknuk, o a wakak na nuknuk. Det rop ri det warawai kut un o Karisito. Iri a kibino ra a gas. A lingmulus, an gas bolbolos,

Kolosi 3:16

I wakak ra a wasiso anun o Karisito in kis sikot ubalamot ma in bukus. Mot in ususer etetalai mot nami, ma mot in udekdek etetalai mot kai nami tomo nama mananos rop. Ma mot in kelekele nama wasiso anun o Karisito ra mot kele a Kum Kelekele anun o Dewid, ma a kum kelekele na lotu, ma a kum kelekele ra a Tokodos na Nion i tabor mot nami. Ra mot in kelekele nama watung wakak torom o God ubalamot.

Jems 5:13

Ra taio tagun mot i taramo a maut, i wakak sur in wararing. Ra taio i gasgas, i wakak sur in kele a kum kelekele na ulabo torom o God.

A Pas anun o Jud 1:20

Ikut mot, a kum wakak na paspasang, in wakak ra mot in udekdek mot una numot a tokodos na nurnur sur in lubung, ma mot in wararing nama dekdekin a Tokodos na Nion.