1 Korin 13:5 - Nupela Testamen long tokples Kandas

⁵ Ke laulau a magirano, ke nuk pasi ut, ke ser kankan lakit, ke ser nuk ukai a sakino ra di pami uni.

1 Korin 13:5 ပူးပေါင်းရင်းမြစ်များ

Matiu 5:22

Ikut iau, a watungi tamot lena, osi ra in kankan torom tu tisino, din warkurai i, ma osi ra in watungi un tu tisino lena, ‘Katin lorim,’ din warkurai i umatan a taro na kiwung. Ma osi ra in watungi un tu musano lena, ‘A longlong ui,’ kutiro a warkurai toromi, ra din woro i una labino sungun.

Matiu 9:4

Ma o Iesu i tasman a nuknukin det, ra i ting det lena, “Sur asau ra mot nuknuk laulau?

A Wakak na Wasiso un o Iesu Karisito o Mak i tumusi 3:5

O Iesu i nas pukpukus det, in balano i sungun nam det, ikut i maris det, uni a balandet i dekdek doko. I inanos a musano ra a lamano i kong lena, “Kodos a lamam.” I kodosi, ra a lamano i tokodos melet.

Luk 7:39

A Parisi ra i ben pas o Iesu i tama a utna ri, i nuki lena, “Ra a musano ri a poropet mulus, in tasman a ino ri ra i pam aru kikino, ma in tasmani kai a magirano, lena i a sakino ino.”

1 Korin 10:24

Gong taio i uwakak pasi ut, in uwakak pas a taro gisen.

1 Korin 10:33

A nemi sur an ugasgas a taro rop una kum utna rop ra a ser pami. Ka pam tu utna sur in uwakak iau, awu, a pam a kum utna sur in uwakak lako susut na taro, sur o God in ulaun pas det.

1 Korin 11:18

A mugano utna: A sa longoro tari lena, ra mot ser wan tomo sur a lotu, mot ser tapagol sarara kut, ma a nuki lena a ramano kum wasiso tagun a wasiso ra, i lingmulus.

1 Korin 12:25

I pami lenra sur gong a pinindat i taptapagol. A kum du pinindat det in warut etetalai det, ma a warut ra, in elar torom det rop.

1 Korin 7:36

Ra tu musano i nuki lena ke tokodos anun a petutna torom a ino ra di sa ubek bat tari toromi, ma ra a kum kilalo anun a ino i sa wan tito, ma a musano ra i nemi sur der in nolin, i wakak in nolin kut nami. Ke pam a sakino petutna. Der in nolin kut.

2 Korin 5:19

Un o Karisito, o God i marom nama taro taginin una rakrakon bual. Ken nuk melet pasi mo anundet a kum sakino petutna sur in warkurai det uni. Iri a wasiso na emarom, ra i pitar tari tamet.

Galesia 5:13

A kum tistising, o God i sa kabo pas mot toromi sur mot in langolango mulus. Ikut gong mot nuki lena mot sa langolango sur mot in mur a kum sakino nemnem ina pinimot, awu. Mot in warut etetalai mot nama marmaris.

Pilipai 2:21

Uni, a taro rop det nuk pas det ut ma anundet a kum pinapam, ma ka det nuk pas o Iesu Karisito ma anun a pinapam.

Pilipai 4:8

A kum tistising, a ururop na wasiso ri a tumusi torom mot: A nuknuki mot in kis una kum utna ri: asau ra i lingmulus, asau ra di urur uni, asau ra i tokodos, asau ra katu dur uni, asau ra i tamtama wakak ma asau ra a taro det watungi lena i wakak. Ra tu utna in wakak sakit, o ra tu utna di watung ulabo pasi, a nuknuki mot in kis uni.

2 Tesalonaika 3:7

Mot ut mot sa tasmani lena, i wakak ra mot in mur a ngasino ra metul sa pam tari umatamot. Ra metul kis tomo nam mot, awu sur metul kis oros kut.

2 Timoti 2:10

I mo ra a taramo a kum ngunungut, ikut a tur dekdek ut, sur det ra o God i sa pilok pas det, det kai det in nurnur un o Karisito Iesu ma in ulaun pas det, ma det in los a minamar tukum.

2 Timoti 4:16

A mugano du bung ra a tur una warkurai ma a wasiso bat iau, kataio i tur warut iau, det wan rop pas kut gusun iau. A wararing lena o God gong i balu anundet a petutna.

Jems 1:19

A kum wakak na tistising, mot in tasman a utna ri: I wakak ra mot rop, mot in longoro lakit, ikut gong mot wasiso lakit, ma gong mot kankan lakit.