1 Korin 13:2 - Nupela Testamen long tokples Kandas

² Ra an utur ukai a etabor sur an wasiso na poropet, ma ra an tasman a kum utna na pidik rop ma a kum mananos rop, ma ra an utur ukai a nurnur sur an ukarai a kum tangai nami, ikut ra ka lason una marmaris, iau a utna oros kut.

1 Korin 13:2 ပူးပေါင်းရင်းမြစ်များ

Matiu 13:11

Ma i balu det lena, “O God i sa pitar tar a mananos tamot, sur mot in talapor una kum wasiso na pidik una matanitu tagisapat una langit. Ikut, ke pitari torom a taro rop.

Matiu 17:20

Ma i balu det lena, “Uni anumot a nurnur i natino doko. A inanos mot nama lingmulus, ra anumot a nurnur in natino elar namin pitino mastad, mot in pet lar pasi sur mot in watungi tan a tangai ri lena, ‘Un karai taginin utong,’ ra in karai kut. Katu utna in ngangitin torom mot.”

Matiu 21:19

I tama in nanai na fig i tur taru una papor ina kisapi, ra i wan milau i. Ikut ke tama lako wino, a kum dono rop kut. Ra i watungi torom in nanai ra lena, “Turpasi uniri ma numur, kon wu melet mo.” Uniutra, in nanai i marang.

Matiu 21:21

O Iesu i balu det lena, “A inanos mot nama lingmulus, ra mot nurnur, ma ka mot in wur nuknuk, mot in pam a pinapam ri a pami unin nanai na fig. Awu sur i kut ri ra mot in pami, awu. Ra mot in watungi kai torom a tangai ri lena, ‘Un taragot ma un sirok losop usa utasi,’ in pami kut.

Aposel 13:1

Tiro o Antiok, a kum poropet ma a kum tene ususer kai, kura epotor tan a taro na lotu. Iri a kum risandet: o Banabas, o Simion ara risano kai o Niger, o Lusius a te Sairini, o Sol ma o Manaen, i ra di ugu tomo der nam o Erod, a mugumugu.

A Pas anun o Pol torom a taro Rom 11:25

A kum tistising, a nemi sur mot in mananos una utna ra numugu i kis eno, sur gong mot ulabo pas mot. I lenri: Ara taro Israel, in dekdek a balandet, tuk ra a niluluk ina taro gisen ra det nurnur in elar nama nuknukin o God.

A Pas anun o Pol torom a taro Rom 15:14

A kum tistising, a tasmani ut lena mot bukus nama wakak na petutna ma a mananos, ma mot pet lar pasi sur mot in ususer etetalai mot.

A Pas anun o Pol torom a taro Rom 16:25

O God i pet lar pasi sur in utur dekdek mot una nurnur, elar nam anun a Wakak na Wasiso ra a ser warawai nami, a Wakak na Wasiso un o Iesu Karisito. Tagitiro numugu utmakai, a Wakak na Wasiso ra i kis eno.

1 Korin 11:4

Ra tu musano in wararing o in wasiso na poropet, ma i sa rakup bat pas in lorino, i ban umaimai in lorino.

1 Korin 12:28

O God i sa pilok pas a taro ri epotor tan a taro na lotu: a mugano ut a kum aposel, a manru a kum poropet, a mantul nami, a kum tene ususer, ma det kai ra det pam a kum utna na ukisin, ma det ra o God i pitar a etabor torom det sur det in ulangolango pas a kum misait, ma det ra det warut a taro, ma det ra det ser mugu a taro una kum pinapam, ma det ra det wasiso nama wur ngas na wasiso.

1 Korin 13:1

Ra an wasiso nama wur ngas na wasiso anun a taro ma anun a kum ensel kai, ikut ra ka lason una marmaris, a elar kut nama garamut o a kudu ra i tangtangis oros kut.

1 Korin 13:3

Ra an pitar ru anung a kum utna rop torom a kum sibo na taro, ma an pitar iau kai sur din tun iau, ikut ra ka lason una marmaris, ken warut iau.

1 Korin 13:8

A marmaris ken rop lar pas. Ikut a kum wasiso na poropet det in rop kut, a wur ngas na wasiso det in rop kut, ma a mananos kai in rop kut.

1 Korin 14:29

Lako ru o lako tul, detul in wasiso na poropet, ra a taro det in nuknuk wakak una nundetul a wasiso ra i lingmulus o awu.

1 Korin 14:39

I mo ra a kum tistising, mot in kalkal sur mot in wasiso na poropet, ma gong mot turbat taio ra i wasiso nama wur ngas na wasiso.

1 Korin 14:4

Taio ra i wasiso nama wur ngas na wasiso i udekdek pasi ut. Ikut, taio ra i wasiso na poropet i udekdek a taro na lotu rop.

1 Korin 15:51

Mot longoro, an inanos mot una utna ra numugu i kis eno lenri: Awu sur dat rop dat in mat, ikut o God in pukus senene pas dat rop.

1 Korin 16:22

Osi ra ke nem a Labino, in iru tukum. Wan urin a Labino!

1 Korin 4:1

I wakak sur mot in nuknuk un met lar met, a kum tultul anun o Karisito, ra a kum wasiso anun o God ra numugu i kis eno, o God i sa pitar tari torom met sur met in upuaso i torom a taro.

1 Korin 7:19

A petutna ra di tok talilis a pinin taio, o ka di tok talilis a pinino, i a utna oros kut. Ikut a petutna ra taio in mur a kum warkurai anun o God, i ra i labo sakit.

1 Korin 8:4

An inanos mot una ngasino ra a taro det ser pami ra det wan a kum utna, ra di sa etabor taru nami torom a kum torotoro na god. Dat tasmani lena a toktok i a utna oros kut tagun a rakrakon bual, awu sur i laun. Dat tasmani lena ara God sot kut, ma kataio melet.

2 Korin 12:11

A sa watung tar a kum longlong na wasiso ri, uni ka mot nuki lena iau a aposel mulus. I lingmulus ut, iau a musano oros kut, ikut i tokodos sur mot in tama lele iau lena iau a aposel mulus, uni ka natino tandet ra mot watung det a kum lamlabino aposel.

Galesia 5:16

Ra uniri, an watungi torom mot lena: Ra mot in mur a Tokodos na Nion, ka mot in mur a kum sakino nemnem ina pinimot.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Galesia 6:3

Ra taio i nuki lena i labo, ikut ra ke labo, i ut i toro melet pasi.

Epeses 3:4

Ra mot in luki, mot in tasman asau ra a sa talapor uni, una utna un o Karisito, ra numugu i kis eno.

Epeses 6:19

Mot in wararing kai un iau, sur o God in pitar tar a kum wasiso tang sur an watungi, ma gong a ngara ra an upuaso a utna ra numugu i kis eno ma uniri a Wakak na Wasiso i upuaso i.

Kolosi 1:26

A wasiso ri, i a utna ra i kis eno, tagun numugu utmakai gusun a kum taun taro tagun numugu. Ikut uniri, i sa puaso torom a taro anun o God.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

1 Jon 4:8

Osi ra ke tasman a marmaris, ke tasman o God, uni o God, i a kimkibin a marmaris.