1 Korin 11:32 - Nupela Testamen long tokples Kandas

³² Ikut, ra a Labino i warkurai dat, i ukodos dat, sur gong dat iru una warkurai na minabalu tomo nama rakrakon bual.

1 Korin 11:32 ပူးပေါင်းရင်းမြစ်များ

A Pas anun o Pol torom a taro Rom 3:19

Dat tasmani lena, asau ra a warkurai i wasiso uni, ke wasiso una taro ra awu sur a taro Juda kut, i wasiso una taro Juda utkai, ra det kis utuntudu ina kum Warkurai. I mo ra, a taro rop tagun a rakrakon bual det in tur na warkurai umatan o God, ma kataio in ipul lar pas.

A Pas anun o Pol torom a taro Rom 5:16

Ara utna kai, a etabor anun o God ke elar nama utna ra i wanpat tagun a sakino petutna anun o Adam. Anun ara petutna i dat tar a taro, sur det in iru una warkurai na minabalu anun o God. Ikut a etabor anun o God i lenri, ra a taro det pami utmakai a kum sakino petutna, o God i watung det a kum tene tokodos.

1 Korin 1:20

Asau dat in watungi un tu tene mananos? Asau dat in watungi un tu tene mananos una kum Warkurai anun o Moses? Asau dat in watungi un tu tene mananos ra in balu rop pas a kum iting? O God i ese i lena, a mananos tagun a rakrakon bual i a longlong na mananos kut.

1 Korin 1:21

Uni, una mananos anun o God, i pami sur a taro una rakrakon bual ka det in pet lari sur det in tasman o God una mananos anundeti ut. A wasiso ra met warawai nami, a taro det nuki lena a longlong na wasiso, ikut, una wasiso ra, o God i gas sur in ulaun det ra det nurnur.

1 Korin 11:30

Iri a kibino ra a susut epotor tamot det misait ma kalako dekdekin det, ma ara taro kai det sa mat.

1 Korin 11:31

Ra gunuk dat ut, dat in tama mugu tar anundat a nilaun ra numur dat in nangon ma dat in inum, o God ken pitar a warkurai na minabalu torom dat.

1 Korin 11:33

I mo ra a kum tistising, ra mot wan tomo sur a inangon, mot in kis langlang sur ara taro kai tagun mot.

1 Timoti 1:20

O Emeneus ma o Aleksanda aru tagun det, ma a sa pitar tar der ulaman o Satan, sur der in tasmani lena, gong melet mo der watung laulau o God.

1 Jon 5:19

Dat sa tasmani lena, dat a kum nutnutun o God, ma a rakrakon bual rop i kis utuntudu ina warkurai anun o Satan.

Tamtama 3:19

Det ra a maris det, a ser pitar a dekdek na wasiso torom det, ma a ser ukodos det. I mo ra, mot in tuangun, ma mot in nukpukus.