1 Korin 11:25 - Nupela Testamen long tokples Kandas

²⁵ Lenkutkai ra, ra i sa rop a inangon, i los pas a kap ma i watungi lena, “A kap ri, a matok na kunubus tagun a gaping, ra i dat tomo tar a taro nam o God. Mot in pami lenri una kum du bung ra mot inumi, sur mot in ser nuk melet pas iau.”

1 Korin 11:25 ပူးပေါင်းရင်းမြစ်များ

Luk 22:20

Lenkutkai ra, numur tan a inangon, i los pas a kap ma i watungi lena, “A kap ri, a matok na kunubus tagun a gaping ra i tilingis sur mot, ra i dat tomo tar a taro nam o God.

1 Korin 10:16

Ra dat inum tagun a kap ra di sa watung wakak pas uni torom o God, dat takai mukut nam o Karisito, una gapino. Ma ra dat wangon tagun a beret ra dat tibiki, dat takai mukut nam o Karisito, una pinino.

1 Korin 11:24

Ra i sa watung wakak pas uni, i tibiki, ma i watungi lenri, “Iri a pining, a pitari sur mot. Mot in ser pami lenri, sur mot in ser nuk melet pas iau.”

2 Korin 3:14

Ikut a nuknukin det i tobonot, ma tuk uniri, ra di luk a kum wasiso una mugano kunubus torom det, i elar kut nami ra di pulus bat a nuknukin det nama du malu ra. Katutaio i rakon ru i, uni o Karisito kut, in rakon ru i gusun osi ra tagun o Karisito.

2 Korin 3:6

I ut i ukis tar met sur met a kum tene pinapam una matok na kunubus, ma i pitar tar a dekdek tamet sur met in papam nami. A matok na kunubus ri, awu sur tagun a kum wasiso na Warkurai ra di sa tumus tari, i kibino pas ut una Tokodos na Nion. A wasiso na Warkurai i pitar pati kut a minat, ikut a Tokodos na Nion i pitar a nilaun.

Ibru 13:20

A wararing torom o God ra i ser pitar a malmal. I ra i ukatutur melet pas anundat a Labino o Iesu gusun a minat. O Iesu, i a labino tene tamtamabat anun a kum sipsip ra i mat ma i pitar tar a gapino ut sur in pam a kunubus ra in tur tukum. I mo ra o God i ukatutur melet pasi gusun a minat.