1 Korin 11:19 - Nupela Testamen long tokples Kandas

¹⁹ Uni a taro na lotu det in taptapagol ut, sur din tama lele det ra det tokodos ma det kai ra det raro.

1 Korin 11:19 ပူးပေါင်းရင်းမြစ်များ

Matiu 18:7

“In laulau torom a taro tagun a rakrakon bual, kibino una kum utna ra i dat a taro sur det in puku una sakino. A kum utna ra in nanpat ut, ikut in laulau doko torom o naro ra i pam pat pasi.

Luk 17:1

O Iesu i watungi tan anun a taro na ususer lena, “A kum utna in nanpat ut, ra in upuku a taro una sakino, ikut in laulau doko torom o naro ra i pam pat pasi.

Luk 2:35

Ra det in rosumur gusuni, in upuaso a kum nuknuk tagun a balandet. Ma ui, a tupunuk ra un taramo i in elar namin totok na inaim ra in so anum a nilaun.”

Aposel 15:5

A ramano kum Parisi ra det nurnur un o Iesu, det katutur ra det watungi lena, “I tokodos ut sur din tok talilis a pinin a taro ra awu sur a taro Juda ra det nukpukus. Ma din ususer det, sur det in mur a Warkurai anun o Moses.”

Aposel 20:30

Ma lako taro utkai tagun mot det in tur pat, ma det in pukus a lingmulusino, sur a taro na ususer det in mur det.

Aposel 24:14

“Ikut uniri an inanos talapor ui lena, a ser mur a Kisapi anun o Karisito, ra det watungi nama torotoro na lotu. Una kisapi ri, a lotu ut torom o God anun a kum tumtubu met tagun numugu, ma a nurnur una kum utna rop ra di sa tumus tari una Warkurai anun o Moses ma una kum buk anun a kum poropet.

Aposel 24:5

“Met tama i lena a musano ri a tene pam purpuruon, i ser turpas a kum purpuruon epotor torom a taro Juda una rakrakon bual rop. Ma i a mugumugu tagun ara torotoro na lotu di watungi nama lotu Nasaret.

Aposel 26:5

Det tasman iau tagun numugu, ma ra det nemi, det ut det in wasiso talapor un iau lena a muri ut a ngasino anun a kum Parisi. Met ara kabotaro tagun a taro Juda ra met mur sot rop pas a kum Warkurai tagun anumet a lotu.

Aposel 28:22

Met nemi sur met in longoro a nuknukim, uni met sa tasmani lena, una kum tamon rop di watung laulau a matok na lotu ri.”

Aposel 5:17

A mugumugu na tene etabor torom o God, ma a kum paspasano tagun a kum Sadusi, a nuknukin det i laulau nama kum aposel, uni det tama a taro det mur a kum aposel.

1 Korin 11:20

Ra mot wan tomo, ma mot wangon tomo, mot nuki lena mot wan a inangon anun a Labino, ikut, awu.

2 Korin 12:20

A ngara, sako ra an nanpat torom mot, kan tama torom a kum petutna ra a nemi sur an tama i. Ma mot kai, ka mot in gas una petutna ra an nanpat nami. A ngara, sako an etorom pas a ngas na kinkinis lenri: mot wasiso na engaras, mot nuknuk laulau, mot kankan, mot kis susuaro, mot emang, mot wasiso eno, mot ulabo pas mot ut, ma anumot a kinkinis i purpuruon.

Galesia 5:20

a lotu torom a kum torotoro na god, a sangsagor, a petutna ra di nget a taro, a engaras, a nuknuk laulau un taio, a kankan, a nemnem sur a kinkinis na labino, a kinkinis sarara ma a tapagol susuaro,

Taitus 3:10

Ra taio in ser pagol a taro na nurnur, un wasiso na utumarong toromi sur in mana. Ra ken longoro ui, un wasiso na utumarong melet toromi. Ra ken longoro mo, un nan gisen gusuni.

1 Jon 2:19

A kum ebar anun o Karisito, numugu det kis tomo nam dat, ikut det sa pirso pas gusun dat, uni awu sur det mulus tagun dat. Ra gunuk det mulus ut tagun dat, det in kis tukum nisan dat. Ikut, ra det sa wan gusun dat, i ese i lena, awu sur det tagun dat.