1 Korin 11:16 - Nupela Testamen long tokples Kandas

¹⁶ Ra taio in pukus a wasiso ri, anung a minabalu i lenri: Ka met mur tu ngasino gisen, ma a taro rop anun o God una kum tamon kai awu.

1 Korin 11:16 ပူးပေါင်းရင်းမြစ်များ

Aposel 21:21

Det sa longoro a wasiso un ui lena, u ser ususer a taro Juda rop ra det kis nisan a taro ra awu sur a taro Juda, sur gong det mur a Warkurai anun o Moses. Det longoro i lena, u inanos det sur gong det tok talilis a pinin a kum nutnutun det, ma gong det mur a kum petutna anun a taro Juda.

Aposel 21:24

Un nan tomo nam det, ma mot in utalapor mot elar nama Warkurai, ma un kul a kum utna na etabor ra det in etabor nami. Ra numur din kumur rop ru a iwu na lorindet. Ra un pami lenri, a taro rop det in tasmani lena, a kum wasiso ra det sa longoro tari un ui, ke lingmulus, ma ui kai u ser muri ut a Warkurai anun o Moses.

1 Korin 11:15

Ikut, tu ino ra a iwu na lorino i walos, i ra anun a minamar. Uni o God i pitar tar a walalos na iwu na lorino toromi, sur in rakup bat in lorino nami.

1 Korin 16:1

An inanos mot un asau ra mot in pami nama mani ra mot woro tomo i sur a taro anun o God ra det kis sapat o Jerusalem. Mot in pami elar nami ra a sa inanos tar a taro na lotu una kum tamon tong una papor Galesia sur det in pami.

1 Korin 4:5

I mo ra gong mot warkurai taio numugu tan a bung na warkurai. Mot in kis langlang tuk ra a Labino in nanpat. Ra i ut in utalapor a kum utna ra i parau una dumirum, ra in upuaso a nuknukin a taro. Ma una bung ra, o God in watung ulabo pas a taro, elar ut nama nundet a kum pinapam taktakai.

1 Korin 7:17

Arara in laun ut elar nama nilaun ra a Labino i pitar tari tano, ma elar nama ngas na kinkinis ra kura tano, ra o God i kabo pasi. A pitar a warkurai ri torom a taro na lotu una kum tamon rop.

1 Korin 9:1

A sa langolango. Iau a aposel. A tama tari ut o Iesu anundat a Labino. Anumot a nilaun tomo nama Labino, i a wino tagun anung a pinapam.

1 Korin 9:6

Ke tokodos sur mir kut, mir in papam nama lamamir sur a mani ra mir in laun nami.

1 Tesalonaika 2:14

A kum tistisi metul, mot elar nama taro na lotu anun o God un o Karisito Iesu, ra det kis tong una papor Judia. Uni, mot kai, mot taramo a ngunungut tan a taro tagun anumot a tamon ut, elar nama taro na lotu tong o Judia det taramo i tan anundet a taro ut, a taro Juda,