1 Korin 10:32 - Nupela Testamen long tokples Kandas

³² Gong mot pam tu utna ra in upuku taio tagun a taro Juda, o tagun a taro ra awu sur a taro Juda, o tagun a taro na lotu anun o God.

1 Korin 10:32 ပူးပေါင်းရင်းမြစ်များ

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

Aposel 24:16

Lenkutkai ra, a dekdek doko sur anung a nilaun in tokodos umatan o God, ma umatan a taro kai.

A Pas anun o Pol torom a taro Rom 14:13

I mo ra gong mo dat takun etalai dat. Mot in nuknuk wakak sur gong mo mot pam tar tu petutna ra tu tisimot in puku uni.

1 Korin 1:2

torom mot a taro na lotu anun o God ra mot kis tiro o Korin. Mot ra o Karisito Iesu i gos talapor pas anumot a nilaun, ma i kabo pas mot sur mot a taro anun o God. Mot a taro anun o God tomo nama taro rop una kum tamon rop ra det lotu una risan anundat a Labino o Iesu Karisito, i ra a Labino anundet ma anundat kai.

1 Korin 10:33

A nemi sur an ugasgas a taro rop una kum utna rop ra a ser pami. Ka pam tu utna sur in uwakak iau, awu, a pam a kum utna sur in uwakak lako susut na taro, sur o God in ulaun pas det.

1 Korin 11:22

Pepetlai, kalako kum rumu anumot sur mot in nangon ma mot in inum iai? Pepetlai, ka mot nuk labo pas a taro na lotu anun o God, ma mot ban umaimai det ra det sibo? Asau ra an watungi torom mot? Pepetlai, an watung ulabo pas mot una petutna ri? Awu!

1 Korin 12:28

O God i sa pilok pas a taro ri epotor tan a taro na lotu: a mugano ut a kum aposel, a manru a kum poropet, a mantul nami, a kum tene ususer, ma det kai ra det pam a kum utna na ukisin, ma det ra o God i pitar a etabor torom det sur det in ulangolango pas a kum misait, ma det ra det warut a taro, ma det ra det ser mugu a taro una kum pinapam, ma det ra det wasiso nama wur ngas na wasiso.

1 Korin 15:9

Uni iau, a natino sakit taun a kum aposel rop, ma ka wakak sur din watung iau ara aposel, uni a ser ban laulau a taro na lotu anun o God.

1 Korin 7:17

Arara in laun ut elar nama nilaun ra a Labino i pitar tari tano, ma elar nama ngas na kinkinis ra kura tano, ra o God i kabo pasi. A pitar a warkurai ri torom a taro na lotu una kum tamon rop.

1 Korin 8:13

Ra a utna ra a wani, in upuku a tising una sakino, kan nan meleti mo tu du wewegua, sur gong a upuku a tising una sakino petutna.

2 Korin 1:1

Iau o Pol, a aposel anun o Karisito Iesu, una nemnem anun o God, mir nam o Timoti a tisindat, mir tumus a pas ri torom mot a taro na lotu anun o God tiro o Korin, ma torom a taro rop anun o God una papor Akaia.

2 Korin 6:3

Ka met ser pam tu petutna sur a taro det in watung laulau anumet a pinapam, ma ka det in nurnur.

Galesia 1:13

Mot sa longoro tar anung a ngas na nilaun tagitiro numugu, ra a tur dekdek una lotu Juda, ma a ser ban laulau a taro na nurnur anun o God, ma a lari sur an kamar ru det.

Pilipai 1:10

Ra in lenra, mot in pet lari sur mot in tasman lele asau ra i wakak o ke wakak, sur a magiramot in tokodos umatan o God, ma katu etakun in los mot una bung ra o Karisito in nanpat.

Pilipai 3:6

A dekdek doko sur an mur kodos pas a pinapam anun o God, ma una nung a pinapam ra, a ban laulau a kum tene lotu anun o Karisito. Ra gunuk taio in tokodos uni i mur rop a kum Warkurai, katu etakun in los iau.

1 Tesalonaika 2:14

A kum tistisi metul, mot elar nama taro na lotu anun o God un o Karisito Iesu, ra det kis tong una papor Judia. Uni, mot kai, mot taramo a ngunungut tan a taro tagun anumot a tamon ut, elar nama taro na lotu tong o Judia det taramo i tan anundet a taro ut, a taro Juda,

1 Timoti 3:15

Ra kan nanpat lakit, u sa tasman a kum ngas na petutna ra a taro anun o God det in pami epotor tandet. A taro na lotu anun o God, ra i laun, det elar nama pos ma a kibin a rumu ra i udekdek a lingmulusino.

1 Timoti 3:5

A musano ra ke lason sur in mugu wakak det tamtamano, ken pet lar pasi kai sur in tamtamabat a taro na lotu anun o God.