1 Korin 10:17 - Nupela Testamen long tokples Kandas

¹⁷ Teken beret kut. Dat susut, ikut, dat ara pinindat uni dat wangon tagun in teken beret kut.

1 Korin 10:17 ပူးပေါင်းရင်းမြစ်များ

A Pas anun o Pol torom a taro Rom 12:5

Lenkutkai lar dat, dat susut, ikut una pinin o Karisito dat takai kut. Dat taktakai dat tar pasano.

1 Korin 10:21

Ka mot in pet lar pasi sur mot in inum tagun a kap anun a Labino, ma tagun a kap kai anun a kum laulau na nion. Ma ka mot in pet lar pasi sur mot in nangon tagun a kabulu na inangon anun a Labino, ma tagun a kabulu na inangon kai anun a kum laulau na nion.

1 Korin 12:12

A musano i ara kut, ikut a susut na du pinino. A kum du pinino det susut, ikut di tugus tomo pas det sur ara kudulano pinino. A pinin o Karisito i lenkutkai ra.

1 Korin 12:27

Mot ut a pinin o Karisito, ma mot rop taktakai a kum du pinino.

Epeses 3:6

Iri a utna ra numugu i kis eno: Det ra awu sur a taro Juda, ra det in mur a Wakak na Wasiso, det in rarakon tomo nama taro Juda, una kum utna ra o God i udan a kum nutnutunu nami. Ma det rop, ara musano mukut. Ma det ra tagun o Karisito Iesu, a kum liliman anun o God anundet utkai.

Epeses 4:16

Un o Karisito, a kudulano pinino i tugus tomo wakak. Ra arara du pinino in pami ut anun a pinapam, a kudulano pinino in lubung ma in dekdek, ma in bukus nama marmaris.

Epeses 4:25

I mo ra mot in woro ru a torotoro, ma mot in watung a lingmulusino torom a kum paspasa mot, uni dat rop dat a kum du pinin o Karisito.

Epeses 4:4

Dat ara pinin o Karisito, ma ara Tokodos na Nion kut i kis un dat rop. Ma o God i kabo pas dat sur dat in takai kut una kinkinis langlang nama nurnur sur a kum wakak na utna ra in udan dat nami.

Kolosi 2:19

I sa tukutus gusun o Karisito, i ra in lorin a taro na lotu. O Karisito i in lorindat, ma dat a pinino. I udekdek a kum du pinino sur det in warut etetalai det ma det in kis tomo, elar nama kum mulmulukun ina pinindat ra det tugus tomo. Ra a kudulano pinino i lubung, elar nama nemnem anun o God.

Kolosi 3:11

Ra lenra, dat rop dat elar mukut: a taro Juda, a taro Grik, det ra di sa tok talilis tar det ma det ra ka di tok talilis det, ma a taro tagun osi na ngas na kabotaro, a kum tene ititula ma det kai ra ka det tene ititula. O Karisito ut i labo sakit, ma i kis un dat rop.

Kolosi 3:15

I wakak sur a malmal ra o Karisito i tabor mot nami in mugu mot una numot a nilaun. Uni mot ara pinin o Karisito kut, ma o God i kabo pas mot sur mot in kis tomo nama malmal. Ra i wakak sur mot in ser watung wakak torom o God.