1 Korin 1:26 - Nupela Testamen long tokples Kandas

²⁶ A kum tistising, mot in nuk pas mot lena mot asi na ngas na taro ra o God i kabo pas mot. Awu sur a susut tagun mot a kum tene mananos umatan a taro. Awu sur a susut tagun mot, mot utur ukai a dekdek sur mot in mugu a taro. Ma awu sur kai a susut tagun mot tagun a kum kabotaro ra det labo umatan a taro.

1 Korin 1:26 ပူးပေါင်းရင်းမြစ်များ

Luk 1:3

I mo ra iau kai, a sa tikin pas a kum utna ri tagun a turturkibino, ra a nuki lena, i wakak ra an tumus tari torom ui, o Tiopilus a labino. Ra a tumus a kum utna ri, a tumus murmuri ut a inawan pat indet,

Luk 10:21

Una du bung ra, o Iesu i bukus nama gasgas tan a Tokodos na Nion ma i watungi lena, “Tita, ui a Labino tagun a langit ma a rakrakon bual rop. A watung ulabo pas ui, uni u munu a kum utna ri tan a kum tene mananos ma det ra det tastasman, ma u upuaso i kut, torom det ra det elar nama kum nat liklik. A lingmulus, Tita, uni anum a nemnem i lenutra.

Aposel 13:12

Ra a mugumugu i tama a utna ri i wanpat, i nurnur, uni i kisin una etowo una Labino.

Aposel 13:7

i ara pasan o Sergius Paulus. Sergius Paulus i a mugumugu tagun a ailan ra, a tene mananos, ra i itula pas o Banabas ma o Sol, uni i nem na longoro a wasiso anun o God.

Aposel 17:34

Ma a ramano taro det nurnur, ra det mur o Pol, iri det: O Dionisius, i ara tagun a taro na kiwung Areopagus, ma ara ino, a risano o Damaris, ma a ramano taro kai.

A Pas anun o Pol torom a taro Rom 11:29

Uni o God ke ser los pukus anun a kum etabor ma ke ser pukus a nuknukino gusun a taro ra i sa kabo pas det. Awu!

1 Korin 1:20

Asau dat in watungi un tu tene mananos? Asau dat in watungi un tu tene mananos una kum Warkurai anun o Moses? Asau dat in watungi un tu tene mananos ra in balu rop pas a kum iting? O God i ese i lena, a mananos tagun a rakrakon bual i a longlong na mananos kut.

1 Korin 2:13

Met wasiso una kum etabor ri, ikut ka met wasiso nama kum wasiso na mananos anun a taro, awu. Met wasiso nama kum wasiso ra a Tokodos na Nion ut i ususer met nami. Met watung palos a kum etowo na nion torom a taro ra a Tokodos na Nion kura un det.

1 Korin 2:8

Katu mugumugu taginin una rakrakon bual i tasman a mananos ri. Ra gunuk det sa tasman tari, ka det in sak wat a Labino tagun a minamar unin nanai kutus.

Pilipai 4:22

A taro anun o God, det rop, det pitar anundet a marmaris torom mot, ma a taro kai anun o God, ra det kis una rumu anun a Sisa, det pitar anundet a marmaris torom mot.

Jems 2:5

A kum wakak na tistising, mot in longoro iau: Pepetlai, ka mot tasmani lena, o God i pilok pas a kum sibo na taro nin upiso, sur det in tene gongon una nurnur? Det in rakon pas a matanitu ra o God i sa uliliman tari, sur in pitari tandet ra det nemi.

2 Jon 1:1

Iau o Jon, ara mugumugu, a tumtumus torom ui, a ino ra o God i sa pilok pas ui, tomo nama kum nutnutum, ra a nem mulus mot. Awu sur iau kut, met rop kai ra met tasman a lingmulusino met nem mot.