1 Korin 1:20 - Nupela Testamen long tokples Kandas

²⁰ Asau dat in watungi un tu tene mananos? Asau dat in watungi un tu tene mananos una kum Warkurai anun o Moses? Asau dat in watungi un tu tene mananos ra in balu rop pas a kum iting? O God i ese i lena, a mananos tagun a rakrakon bual i a longlong na mananos kut.

1 Korin 1:20 ပူးပေါင်းရင်းမြစ်များ

Matiu 13:22

A kum pitino ra det puku epotor una kum kuikui, i elar nam ara musano ra i longoro a wasiso, ikut a labino nuknuk sur a wakak na kinkinis nin upiso, ma a kum usobor tagun a kum ululeng taginin una rakrakon bual, i rau bat a wasiso anun o God, ra ke wu lako wino.

A Wakak na Wasiso un o Iesu Karisito o Jon i tumusi 12:31

A du bung ri din warkurai a rakrakon bual. Uniri din lakro ru a labino anun a rakrakon bual.

Aposel 17:18

A kum tene mananos tagun a etowo anun a taro Epikurian ma a taro Stoik det wasiso tomo nami. Ara taro det watungi lena, “Asau ri a tene wasiso oros ri i inanos dat nami?” Ma ara taro kai det watungi lena, “Kutiro, i inanos dat una kum matok na god tagun tu tamon gisen.” Det watungi lenri uni i warawai nama Wakak na Wasiso un o Iesu ma a nilaun melet gusun a minat.

A Pas anun o Pol torom a taro Rom 1:20

Turpasi una ukukis ina rakrakon bual, a taro det tama a kum ukukis. I mo ra det pet lar pasi sur det in tasman a kum magiran o God, a kum magiran o God, ra ka din tama i. Det tasmani lena, a dekdekino in tur tukum, ma i o God. I mo ra katu kisapi sur det in ipul ru i.

A Pas anun o Pol torom a taro Rom 1:22

Det watungi lena, det mananos doko, ikut det wanpat a kum longlong.

1 Korin 1:19

Uni o God i sa watung tari una Buk Tabu lenri, “An kamar ru a mananos anun a kum tene mananos, ma an upuku ru a wakak na nuknuk anundet ra det tastasman.” Ais 29:14

1 Korin 1:26

A kum tistising, mot in nuk pas mot lena mot asi na ngas na taro ra o God i kabo pas mot. Awu sur a susut tagun mot a kum tene mananos umatan a taro. Awu sur a susut tagun mot, mot utur ukai a dekdek sur mot in mugu a taro. Ma awu sur kai a susut tagun mot tagun a kum kabotaro ra det labo umatan a taro.

1 Korin 1:27

Ikut o God i pilok pas a utna ra a taro det nuki lena a longlong na utna sur in ban umaimai a kum tene mananos. Ma o God i pilok pasi kai a kum utna ra a taro det nuki lena ke dekdek sur in ban umaimai det ra det dekdek.

1 Korin 1:28

O God i pilok pas a kum utna ra a taro tagun a rakrakon bual det unatino pasi, ma a kum utna ra det ngeti, ma a kum utna ra det nuki lena a kum utna oros kut, sur a kum utna ra i labo torom det, in utna oros mukut.

1 Korin 11:32

Ikut, ra a Labino i warkurai dat, i ukodos dat, sur gong dat iru una warkurai na minabalu tomo nama rakrakon bual.

1 Korin 2:6

Ikut, met wasiso na mananos ut epotor tan a taro ra det tur dekdek una nurnur. A mananos ri, awu sur taginin una rakrakon bual, ma awu sur tan a kum mugumugu taginin upiso, ra anundet a warkurai in rop kut.

1 Korin 2:8

Katu mugumugu taginin una rakrakon bual i tasman a mananos ri. Ra gunuk det sa tasman tari, ka det in sak wat a Labino tagun a minamar unin nanai kutus.

1 Korin 3:18

Gong mot toro mot ut melet. Ra taio tagun mot i nuki lena i mananos nama ngas na mananos taginin una rakrakon bual, i wakak sur in longlong umatan a taro, sur in mananos mulus umatan o God.

1 Korin 3:19

Uni a mananos tagun a rakrakon bual ri, i a longlong na utna kut umatan o God. Elar nami ra di sa tumus tari una Buk Tabu lena, “I ser kun ukai pas a kum tene mananos nama nundet a mananos ut.” Jop 5:13

1 Korin 6:2

Pepetlai, ka mot tasmani lena a taro anun o God det in warkurai a rakrakon bual? Ra mot in warkurai a rakrakon bual, ilai ra ka mot pet lar pasi sur mot in ukodos a kum natnat na mamaut?

Jems 4:4

Mot sa wan gusun o God, elar nama ino ra i wan pas gusun anun a musano, ra i nolin tomo nama ara musano bulung. Ka mot tasmani lena, ra mot nem a petutna tagun a rakrakon bual, mot a kum ebar anun o God? Osi ra i pilok pas a rakrakon bual sur der pasano, i a ebar anun o God.