1 Jon 5:20 - Nupela Testamen long tokples Kandas

²⁰ Dat sa tasmani kai lena, a Nutun o God i sa wanpat, ra i tabor tar dat nama mananos, sur dat in tasman o God ra i lingmulus. Dat laun un o God ra i lingmulus, uni dat laun un o Nutunu, o Iesu Karisito. Ma i, a God ra i lingmulus, ma a nilaun tukum.

1 Jon 5:20 ပူးပေါင်းရင်းမြစ်များ

Matiu 13:11

Ma i balu det lena, “O God i sa pitar tar a mananos tamot, sur mot in talapor una kum wasiso na pidik una matanitu tagisapat una langit. Ikut, ke pitari torom a taro rop.

Luk 21:15

Uni iau ut, an unuk tar a wasiso ma a mananos kai una nuknuki mot, ra anumot a kum ebar rop, ka det in balu lar pasi, ma ka det in ipul ru i.

Luk 24:45

Ra o Iesu i utalapor a nuknukin det sur det in talapor una Buk Tabu.

A Wakak na Wasiso un o Iesu Karisito o Jon i tumusi 1:18

Kataio utmakai i tama tar o God. Ikut ara Nutunu kut, ra i kis tomo nam o Tamano, i ut i ese o God torom dat. Ma i ut o God.

A Wakak na Wasiso un o Iesu Karisito o Jon i tumusi 10:30

Mir nam o Tita, mir takai kut.”

A Wakak na Wasiso un o Iesu Karisito o Jon i tumusi 14:20

A bung ra an katutur melet gusun a minat, mot in tasmani lena kura iau un o Tita, ma mot kai kuri un iau, ma iau kura un mot.

A Wakak na Wasiso un o Iesu Karisito o Jon i tumusi 14:23

O Iesu i balu i lena, “Ra taio i nem iau, in mur anung a kum etowo. O Tita in nemi, ma mir nam o Tita mir in nan toromi, ma mir in kis tomo nami.

A Wakak na Wasiso un o Iesu Karisito o Jon i tumusi 14:6

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

A Wakak na Wasiso un o Iesu Karisito o Jon i tumusi 14:9

O Iesu i balu i lena, “Pilip, a sa kis suano i tomo nam mot, pepetlai, ko tasman iau utmakai? Osi ra i tama iau, i sa tama tar o Tita. Sur asau u watungi lena an ese tar o Tita torom mot?

A Wakak na Wasiso un o Iesu Karisito o Jon i tumusi 15:4

Mot in laun un iau, ma iau an laun un mot. Ka mot in wu ra ka mot laun un iau, elar nama kano wain ken wu oros ra ken patop unin nanai ino.

A Wakak na Wasiso un o Iesu Karisito o Jon i tumusi 17:14

A sa watung tar anum a kum wasiso tandet, ma a rakrakon bual i nget det, uni awu sur det taginin una rakrakon bual, elar nam iau kai, awu sur iau taginin una rakrakon bual.

A Wakak na Wasiso un o Iesu Karisito o Jon i tumusi 17:25

Tita, ui u tokodos, a taro nin una rakrakon bual ka det tasman ui. Ikut iau, a tasman ui, ma anung a taro na ususer kai, det tasmani lena ui, u tulu ru iau urin.

A Wakak na Wasiso un o Iesu Karisito o Jon i tumusi 17:3

A nilaun tukum i lenri: A taro det in tasman ui, ra ui kut a God mulus, ma det in tasman o Iesu Karisito kai, i ra u tulu ru i urin.

A Wakak na Wasiso un o Iesu Karisito o Jon i tumusi 20:28

O Tomas i watungi tano lena, “Anung a Labino ma anung a God!”

A Wakak na Wasiso un o Iesu Karisito o Jon i tumusi 8:42

O Iesu i watungi tandet lena, “Ra gunuk mot tamano mulus nam o God, mot in nem iau, uni a wan tagisapat tan o God, ra uniri a kis nin. Ka wanpat urin una nung a nemnem, i ut i tulu ru iau.

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

A Pas anun o Pol torom a taro Rom 9:5

Det a kabotaro anun o Abaram, o Aisak ma o Jekop. Ra o Karisito i wanpat a musano mulus, i wanpat tagun det, i a Karisito ra i warkurai sur a kum utna rop, ma i ut ra o God. Dat in watung ulabo pasi, ma ken rop. Amen.

1 Korin 1:30

O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.

2 Korin 4:6

Numugu utmakai, o God i watungi lena, “A talapor in sisio pat una dumirum.” Ra uniri, o God i sa ukis anun a talapor una nuknukin dat sur in sisio, sur dat in tasman a minamarin o God, ra di tama i umasarin o Karisito.

2 Korin 5:17

Ra taio tagun o Karisito, i a matok na ukukis. Anun a petutna tagun numugu i sa rop. Tama i, a matok na nilaun i sa wanpat.

Epeses 3:18

Ra a wararing sur mot tomo nama taro rop anun o God, mot in dekdek sur mot in tasman mulus a marmaris anun o Karisito, ra i perere pepetlai, i walos pepetlai, i tur toto pepetlai, ma i dordorong pepetlai.

Pilipai 3:9

ma an patop tomo nami. Ma awu sur iau a tene tokodos uni a mur a kum Warkurai, awu, kibino kut uni a nurnur un o Karisito. O God i watung dat a kum tene tokodos uni dat nurnur un o Karisito.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

Taitus 2:13

ra dat kis langlang nama nurnur sur a bung na gasgas ra in nanpat. A bung ra anundat a Labino o God, o Iesu Karisito, a Tene Ulaun anundat in nanpat nama nun a minamar.

Ibru 1:8

Ikut o God i watungi un o Nutunu lenri, “God, anum a kiskis na king in kis tukum ma ken rop. U ser warkurai sur a taro tagun anum a matanitu nama tokodos na petutna.

1 Jon 2:23

Osi ra i ipul ru a Nutun o God, o Tamano kai ke kis tomo nami. Ma osi ra i mulaot pas o Nutunu, o Tamano kai i kis tomo nami.

1 Jon 2:24

I wakak ra a kum etowo rop ra mot sa longoro tari numugu in laun un mot. Ra in laun un mot, mot kai mot in laun un o Nutunu ma o Tamano.

1 Jon 2:6

Osi ra i watungi uni lena, i anun o God, in laun elar nama nilaun anun o Iesu.

1 Jon 4:14

O Tamano i pitar ru o Nutunu sur in Tene Ulaun anun a rakrakon bual, ra met, met sa tama tari, ma met wasiso talapor uni.

1 Jon 4:16

I mo ra dat ut, dat tasman a marmaris anun o God torom dat ma dat nurnur uni. O God, i a kimkibin a marmaris. Osi ra i tasman a marmaris, i laun un o God, ma o God i laun uni.

1 Jon 4:2

Mot in tasman lele a Nion o God lenri: Det ra det watungi lena o Iesu Karisito i wanpat a musano mulus, det tagun o God.

1 Jon 5:1

Det rop ra det nurnur un o Iesu lena i a Karisito, det a kum nutnutun o God. Ma det rop ra det nem o Tamano, det nemi utkai a kum nutnutunu.

1 Jon 5:15

Ra dat tasmani lena, i longoro dat una kum utna rop ra dat sasaring suri, dat tasmani kai lena, in pitar asau ra dat saringi suri.

1 Jon 5:18

Dat tasmani lena det rop ra a kum nutnutun o God, ka det ser pam meleti mo a kum sakino petutna. Uni a Nutun o God i tamtamabat det ut, ra o Satan ke pet lar pasi sur in ban laulau det.

1 Jon 5:5

Osi ra i winim pas a rakrakon bual? Det kut ra det nurnur un o Iesu lena, i a Nutun o God.

Tamtama 15:3

Det kele a kelekele anun o Moses, a tultul anun o God, ma a kelekele anun a Barman na Sipsip lena, “Labino o God u dekdek sakit, anum a kum pinapam det labo ma di kisin doko un det. Ui a King anun a taro tagun a kum gapman rop, anum a kum petutna det tokodos ma det lingmulus.

Tamtama 19:11

A tama a langit i sa papos ma a tama a kabang na os i tur sa numugu tang. Ma i ra i kis netes uni di watungi lena, “I ser pam sot anun a pinapam” ma “I lingmulus.” Ma una nun a warkurai ma anun a inaim i mur a tokodos na petutna.

Tamtama 3:14

“Un tumtumus torom a ensel anun a taro na lotu tong o Laodisia lenri: O naro ra di watungi nama Amen, a lingmulus na tene wasiso talapor anun o God ra i lingmulus sakit, i ra a kimkibin a kum ukukis anun o God, i watung a wasiso ri:

Tamtama 3:7

“Un tumtumus torom a ensel anun a taro na lotu tong o Piladelpia lenri: O naro ra i tasur, ma i lingmulus, ma i pam a ki anun o Dewid, i papos a matansako, ra kataio in tagar lar pasi, ma i tagari, ra kataio in papos lar pasi. I watung a wasiso ri:

Tamtama 6:10

Det kukukuk nama kum labino walngandet lena, “A Labino Tadaru, ui u tasur ma u lingmulus. Nangisin mo un warkurai det ra det kis una rakrakon bual, ma un balu det uni det um doko met?”