1 Jon 5:14 - Nupela Testamen long tokples Kandas

¹⁴ Ra dat wararing torom o God sur tu utna elar nam anun a nemnem, dat sa tasman mulusi lena, in longoro dat. Ra ka dat in ngara sur dat in saringi sur tu utna.

1 Jon 5:14 ပူးပေါင်းရင်းမြစ်များ

Matiu 21:22

Ra mot nurnur, a kum utna rop ra mot wararing suri, din pitari ut torom mot.”

A Wakak na Wasiso un o Iesu Karisito o Jon i tumusi 11:42

A tasmani lena u ser longoro iau, ikut a wasiso lenri, kibino una taro ri, sur det in nurnur lena ui u tulu ru iau.”

A Wakak na Wasiso un o Iesu Karisito o Jon i tumusi 14:13

Ma a kum utna rop ra mot saringi nama risang, an pam sot pasi, sur o Tita in los a minamar un o Nutunu.

A Wakak na Wasiso un o Iesu Karisito o Jon i tumusi 15:7

Ra mot in laun un iau, ma anung a wasiso in laun un mot, mot in saring iau sur tu utna ra mot nemi, ra din pitari ut torom mot.

A Wakak na Wasiso un o Iesu Karisito o Jon i tumusi 16:24

Tuk uniri, ka mot sasaring utmakai sur tu utna nama risang. Mot in sasaring ra din tabor mot, sur a gasgas in bukus una numot a nilaun.

A Wakak na Wasiso un o Iesu Karisito o Jon i tumusi 9:31

Dat sa tasmani lena o God ken longoro a niaring anun a kum tene sakino, in longoro det kut ra det pam a petutna ra i wakak umatan o God ma det ser mur anun a nemnem.

Epeses 3:12

Dat langolango sur dat in nan torom o God ma ka dat in ngara, uni dat tagun o Karisito ma dat nurnur uni.

Ibru 10:35

I mo ra gong mot wan gisen gusun anumot a dekdek na nurnur, uni in labo sakit anumot a ikul uni.

Ibru 3:14

Ra dat turpas a mur o Karisito, dat tur dekdek una nurnur. Ra dat in tur dekdek una nurnur tuk una ururopino, elar nami ra dat pami numugu, dat tagun o Karisito.

Ibru 3:6

Ikut o Karisito, i a Nutun o God ma i lingmulus una nun a pinapam ra i tamtamabat a taro anun o God. Ra dat tur dekdek una nurnur, ma ka dat ngara, ma dat kis langlang sur a kum utna ra o God in pami, dat a taro anun o God.

Jems 4:3

Ra mot wararing, ka mot utur ukai a utna ra mot sasaring suri, uni a nuknuki mot ke tokodos. Mot sasaring kut sur a utna ra in ugasgas mot ut.

Jems 5:16

I mo ra mot in wasiso puaso etetalai torom mot una numot a kum sakino petutna, ra mot in wararing un mot etetalai, sur a Labino in ulangolango pas mot. A niaring anun a tene tokodos i dekdek sakit, ma i wu pat a wino.

1 Jon 2:28

A kum nutnutung liklik, mot in kis tukum un o Karisito, sur gong dat ngara ma gong dat maimai una nun a bung na inawan pat.