1 Jon 4:7 - Nupela Testamen long tokples Kandas

⁷ A kum wakak na paspasang, dat in nem etetalai dat, uni a marmaris i wan tagisapat tan o God. Det rop ra det tastasman a marmaris, det a kum nutnutun o God, ma det tasman o God.

1 Jon 4:7 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 13:34

“Uniri a pitar a matok na warkurai torom mot lena, mot in nem etetalai mot. Mot in nem etetalai mot elar nami ra a nem mot.

A Wakak na Wasiso un o Iesu Karisito o Jon i tumusi 17:3

A nilaun tukum i lenri: A taro det in tasman ui, ra ui kut a God mulus, ma det in tasman o Iesu Karisito kai, i ra u tulu ru i urin.

1 Korin 8:3

Ikut, ra taio i nem o God, o God i sa tasman o naro ra.

2 Korin 4:6

Numugu utmakai, o God i watungi lena, “A talapor in sisio pat una dumirum.” Ra uniri, o God i sa ukis anun a talapor una nuknukin dat sur in sisio, sur dat in tasman a minamarin o God, ra di tama i umasarin o Karisito.

Galesia 4:9

Ikut uniri mot sa tasman a lingmulus na God. A lingmulus, o God i tasman mot. Sur asau ra mot milet melet sur a kum laulau na nion ra ka det gas un tu utna? Pepetlai, mot nemi sur mot in tene ititula melet torom det?

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

2 Timoti 1:7

Uni o God ke tabor dat nama nion na nginara, awu. I tabor dat nama Tokodos na Nion ra i pitar a dekdek torom dat, ma a marmaris ma a petutna ra ara taktakai in tamtamabat wakak anun a nilaun.

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.

1 Jon 2:10

Ikut osi ra i nem o tisino, i kis una talapor, ma katu utna una nun a nilaun in ban lingi sur in puku.

1 Jon 2:29

Mot tasmani lena, o God a tene tokodos, ma mot tasmani kai lena, det rop ra det pam a tokodos na petutna, det a kum nutnutun o God.

1 Jon 2:3

Ra dat mur anun a kum warkurai, dat talapor lena dat tasmani ut o God.

1 Jon 2:4

Ra taio i watungi lena, “A sa tasman o God,” ikut, ke mur anun a kum warkurai, i a tene torotoro, ma a lingmulusino ke kis uni.

1 Jon 2:7

A kum wakak na paspasang, awu sur a matok na warkurai ri a tumusi torom mot, a turaino, a warkurai kut ra mot sa longoro tari tagun numugu utmakai.

1 Jon 3:9

Det rop ra a kum nutnutun o God, ka det ser pami mo a kum sakino petutna, uni a nilaun anun o God i kis un det. Ka det in ser pam a sakino petutna, uni det a kum nutnutun o God.

1 Jon 4:11

A kum wakak na paspasang, o God i maris doko dat lenri, i wakak sur dat kai, dat in nem etetalai dat.

1 Jon 4:12

Katutaio utmakai i tama tar o God. Ikut ra dat nem etetalai dat, o God kuri un dat, ma anun a marmaris i bukus un dat.

1 Jon 4:16

I mo ra dat ut, dat tasman a marmaris anun o God torom dat ma dat nurnur uni. O God, i a kimkibin a marmaris. Osi ra i tasman a marmaris, i laun un o God, ma o God i laun uni.

1 Jon 4:20

Ra taio i watungi lena, “A nem o God,” ikut i nget o tisino, i a tene torotoro. Uni osi ra ke nem o tisino ra i tama i, ken nem lar pasi kai o God ra ke tama i.

1 Jon 4:8

Osi ra ke tasman a marmaris, ke tasman o God, uni o God, i a kimkibin a marmaris.

1 Jon 5:1

Det rop ra det nurnur un o Iesu lena i a Karisito, det a kum nutnutun o God. Ma det rop ra det nem o Tamano, det nemi utkai a kum nutnutunu.

2 Jon 1:5

A wakak na ino, uniri a saring ui, sur dat in nem etetalai dat. Awu sur a tumus tu matok na warkurai torom ui, awu. A warkurai kut ra dat sa longoro tari tagun numugu.