1 Jon 4:18 - Nupela Testamen long tokples Kandas

¹⁸ Katu nginara i kis una marmaris. Ra a marmaris in bukus un taio, in lakro ru a nginara. Ikut, ra taio i ngara, i ese i lena, anun a marmaris ke bukus, ma i nuki lena in iru una warkurai na minabalu.

1 Jon 4:18 ပူးပေါင်းရင်းမြစ်များ

Matiu 9:34

Ikut a kum Parisi det watungi lena, “I ser lakro ru a kum laulau na nion nama dekdekin a labino anun a kum laulau na nion.”

A Pas anun o Pol torom a taro Rom 8:15

Uni a Nion, ra mot los pasi, awu sur a ngas na nion ra i pam mot sur mot in tene ititula melet mo anun a nginara, awu. Mot los pas a Nion sur mot a kum nutnutun o God, ra i ras pas mot. Ma una dekdekin a Nion, dat ser kakabo torom o God lena, “Aba, Tita.”

2 Timoti 1:7

Uni o God ke tabor dat nama nion na nginara, awu. I tabor dat nama Tokodos na Nion ra i pitar a dekdek torom dat, ma a marmaris ma a petutna ra ara taktakai in tamtamabat wakak anun a nilaun.

Ibru 12:28

Dat in watung wakak torom o God, uni dat sa utur ukai a matanitu ra ken tugunu. Dat in lotu torom o God nama urur ma a nginara ra i elar nam anun a nemnem,

Jems 2:19

U nurnur lena o God i ara kut. I wakak. A kum laulau na nion kai det nurnur lenra, ma det ngara suri, ra det neneder.

1 Jon 4:12

Katutaio utmakai i tama tar o God. Ikut ra dat nem etetalai dat, o God kuri un dat, ma anun a marmaris i bukus un dat.