1 Jon 3:7 - Nupela Testamen long tokples Kandas

⁷ A kum nutnutung liklik, gong mot madek tar taio sur in ben raro mot. Osi ra i pam a tokodos na magirano, i tokodos elar nam o Karisito.

1 Jon 3:7 ပူးပေါင်းရင်းမြစ်များ

Matiu 5:20

Lenra, a watungi tamot, ra anumot a tokodos na petutna ken wakak taun a tokodos na petutna anun a kum tene ususer tagun a Warkurai ma a kum Parisi, mot in lagano ruk una matanitu sapat una langit.

Luk 1:75

Dat in papam toromi nama petutna ra i talapor ma i tokodos umatano, una nundat a kum bung na nilaun rop.

Aposel 10:35

I gas pas a taro tagun a kum kamkabo taro rop, ra det ru i ma det pam a tokodos na petutna.

A Pas anun o Pol torom a taro Rom 2:13

Uni, awu sur det rop ra det longoro a Warkurai det tokodos umatan o God, awu. Det kut ra det mur rop a Warkurai, din watung det a kum tene tokodos.

1 Korin 6:9

Pepetlai, ka mot tasmani lena det ra det pam a sakino ka det in rakon a matanitu anun o God? Gong mot toro mot ut. Uni det ra det pam a kum pamuk na petutna, ma det ra det lotu torom a kum torotoro na god, ma det ra ka det ru a kinkinis na nolin, ma det ra a kum pamuk na musano ra det siuru a pinpinin det, ma a kum musano ra det nolin melet nama kum musano,

Epeses 5:6

Gong mot madek tar taio sur in toro pas mot nam tu wasiso oros kut. Uni a kum petutna ra, in dat pas a kankan anun o God torom det ra det pitarngat.

Epeses 5:9

Uni a nilaun anun o naro ra i kis una talapor i wu a wino lenri: a kum wakak na petutna, a kum tokodos na petutna, ma a lingmulusino.

Pilipai 1:11

Ma a wararing sur mot in bukus nama tokodosino, ra o Iesu Karisito in pam pati una numot a nilaun, sur a taro det in watung ulabo pas o God, ma det in rakon lekeleke pasi.

Ibru 1:8

Ikut o God i watungi un o Nutunu lenri, “God, anum a kiskis na king in kis tukum ma ken rop. U ser warkurai sur a taro tagun anum a matanitu nama tokodos na petutna.

Ibru 7:2

Ma o Abaram kai i pitar tar in tektekene tagun a nonoino tan o Melkisedek tagun a kum utna rop ra i winim pasi tagun a inaim. A risan o Melkisedek, a kukuraino, a king anun a tokodos na petutna. Ma a king tagitong o Salem, a kukuraino a king na malmal.

Jems 1:22

Mot in mur a wasiso anun o God, ra gong mot longoro oros tari kut, sako mot in toro pas mot melet ut.

Jems 2:19

U nurnur lena o God i ara kut. I wakak. A kum laulau na nion kai det nurnur lenra, ma det ngara suri, ra det neneder.

1 Pita 2:24

O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot.

1 Jon 2:1

A kum nutnutung liklik, a tumus a kum utna ri torom mot sur gong mot pam a sakino. Ikut ra taio in pam a sakino, anundat a tene warut, o Iesu Karisito a Tene Tokodos, in wasiso anun o naro ra, torom o Tamano.

1 Jon 2:26

A tumus tar a kum utna ri torom mot, sur an utumarong mot un det ra det nem na ben raro mot.

1 Jon 2:29

Mot tasmani lena, o God a tene tokodos, ma mot tasmani kai lena, det rop ra det pam a tokodos na petutna, det a kum nutnutun o God.

1 Jon 3:18

A kum nutnutung liklik, gong dat marmaris nama wasiso, o nama wandat kut. Dat in marmaris nama wakak na pinapam ma a lingmulusino.

1 Jon 3:3

Osi ra i kis langlang nama nurnur sur o Karisito, in waninar anun a nilaun ma in utalapori elar nam o Karisito ra i talapor.

1 Jon 4:17

Una kisapi ri, anun a marmaris i bukus un dat, ma ka dat in ngara una bung na warkurai, uni nin una rakrakon bual, dat laun elar nam o Karisito.