1 Jon 3:5 - Nupela Testamen long tokples Kandas

⁵ Ma mot tasmani lena o Karisito i wanpat sur in los ru anundat a kum sakino petutna, ma i ut, katu sakino petutna uni.

1 Jon 3:5 ပူးပေါင်းရင်းမြစ်များ

Matiu 1:21

In usus pas a nat na musano, ma un pasor a risano nam o Iesu, uni in ulaun pas anun a taro gusun anundet a kum sakino petutna.”

Luk 23:41

I tokodos ut un dar, uni dar los a minabalu una nundar a sakino petutna. Ikut, a musano ri ke pam tu niraro.”

Luk 23:47

A mugumugu anun a kum tene inaim i tama a utna ri i wanpat, ra i watung ulabo pas o God lena, “I lingmulus ut, a musano ri a tene tokodos.”

A Wakak na Wasiso un o Iesu Karisito o Jon i tumusi 1:29

Ara bung numur, o Jon i tama o Iesu i wan nanan toromi, ra i watungi uni lena, “Mot tama i, a Barman na Sipsip anun o God, ra in lakro ru a sakino petutna anun a rakrakon bual.

A Wakak na Wasiso un o Iesu Karisito o Jon i tumusi 1:31

Iau kai numugu ka tasmani. Ikut a baptaiso nama danim sur an upuaso a musano ri torom a taro Israel.”

A Wakak na Wasiso un o Iesu Karisito o Jon i tumusi 14:30

“Kan wasiso liklik mo torom mot, uni a labino taginin una rakrakon bual milau mo in nanpat. Kalako dekdekino sur in winim pas iau nami,

A Wakak na Wasiso un o Iesu Karisito o Jon i tumusi 8:46

Osi tagun mot in takun sot pas iau un tu sakino petutna? A watung a lingmulus, ra ilai ra ka mot nurnur un iau?

2 Korin 5:21

O Karisito ke pam tu sakino petutna, ikut o God i ubek tar anundat a sakino petutna netes uni, sur dat ra tagun o Karisito, dat in rakon a tokodos na petutna anun o God.

1 Timoti 1:15

I wan pirso urin una rakrakon bual sur in ulaun a kum tene sakino. A wasiso ri i lingmulus sakit, ma dat in nurnur uni. Ma iau, a laulau sakit tan a kum tene sakino rop.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

Taitus 2:14

I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.

Ibru 1:3

O Nutunu i talapor doko nama minamar anun o God, ma i elar mulus ut nam o God. I pam ukai a kum utna rop nama nun a dekdek na wasiso sur det in papam tomo wakak. I pitar tar anun a nilaun, sur in rus talapor dat gusun a kum sakino petutna rop. Ra i sa pam rop tar a pinapam ra, i kis una papor sot na laman a labino King sakit, sapat netes una langit.

Ibru 4:15

I tasmani lena katu dekdekin dat sur dat in winim pas a sakino, ma i maris pas dat. Uni di sa lar mugu tari nama wur ngas na ululam rop lenkutkai ra di ser lar dat nami, ikut ke pam tu sakino petutna.

Ibru 7:26

O Iesu i a mugumugu na tene etabor, ra i sot sur in warut dat. Uni i tasur umatan o God, ma ka din takun lar pasi un tu sakino petutna, ma katu dur umatan o God. O God i ulabo gisen pasi sapat netes una langit, gusun a sakino taro.

Ibru 9:26

Ra gunuk o Karisito in pitar tari ut sur i a etabor torom o God una kum kilalo rop, in iru a susut na dino, turpasi ut una turturkibin ina rakrakon bual. Ikut una kum ururop na bung i wanpat ara dino kut. I pitar tari ut sur i a etabor torom o God sur in kamar ru a kum sakino petutna, ma ken pam meleti mo.

Ibru 9:28

Lenkutkai ra o Karisito i pitar tari ut sur i a etabor torom o God ara dino kut, sur in los gisen ru a kum sakino petutna anun a susut na taro. Ma in nanpat melet a manru na dino. Awu mo sur in los gisen ru a kum sakino petutna, awu. In nanpat sur in ulaun pas det ra det kis langlang suri.

1 Pita 1:18

Mot sa tasmani lena o God i kul langolango pas mot gusun a kum ngasino oros kut, ra mot losi gusun a kum tamtama mot. Awu sur i kul langolango pas mot nama utna ra in rorom kut, elar nama silwa ma a gol.

1 Pita 1:20

O God i sa pilok pasi numugu utmakai ra ke ukisi utmakai a rakrakon bual, ma uniri, una kum ururop na bung, i sa wanpat sur in warut mot.

1 Pita 2:22

“Ke pam tar tu sakino petutna, ma ke watung tar tu torotoro na wasiso.” Ais 53:9

1 Pita 2:24

O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot.

1 Pita 3:18

Uni o Karisito kai i taramo a ngunungut ra i mat ara dino kut, una nundat a kum sakino petutna. A Tene Tokodos i mat sur det ra ka det tokodos, sur in ben pas mot torom o God. Det um doko ru a pinino, ikut di ulaun pasi una nion.

1 Jon 1:2

A nilaun i sa wanpat puaso, ra met sa tama tari. Ma uniri met wasiso talapor torom mot uni lena, i ra a nilaun tukum. Numugu i kis tomo nam o Tamano, ra uniri i wanpat puaso torom dat.

1 Jon 1:7

Ra dat laun una talapor, elar nam o God i kis una talapor, dat lason etetalai torom dat, ma a gapin o Iesu, a Nutunu, i rus talapor dat gusun a kum sakino petutna rop.

1 Jon 2:1

A kum nutnutung liklik, a tumus a kum utna ri torom mot sur gong mot pam a sakino. Ikut ra taio in pam a sakino, anundat a tene warut, o Iesu Karisito a Tene Tokodos, in wasiso anun o naro ra, torom o Tamano.

1 Jon 2:2

I ut i mat sur in kul langolango pas dat gusun anundat a kum sakino petutna, ma in urop ru a kankan anun o God gusun dat. Ma ke mat sur dat kut, i mat sur a taro rop una rakrakon bual.

1 Jon 2:29

Mot tasmani lena, o God a tene tokodos, ma mot tasmani kai lena, det rop ra det pam a tokodos na petutna, det a kum nutnutun o God.

1 Jon 3:8

Ma osi ra i pam a sakino petutna, i anun o Satan, uni o Satan a tene pam a sakino turpasi ut una turturkibino. Ikut, a Nutun o God i wanpat sur in kamar ru a pinapam anun o Satan.

Tamtama 1:5

ma tan o Iesu Karisito, i a lingmulus na tene wasiso talapor un o God, ma a mugano tandet ra det in laun melet gusun a minat, ma a mugumugu anun a kum king una rakrakon bual. I maris dat, ma i ulangolango pas dat gusun anundat a kum sakino petutna nama gapino,