1 Jon 3:23 - Nupela Testamen long tokples Kandas

²³ A warkurai anun o God i lenri: Dat in nurnur una risan o Nutunu, o Iesu Karisito, ma dat in nem etetalai dat, elar nam anun a warkurai torom dat.

1 Jon 3:23 ပူးပေါင်းရင်းမြစ်များ

Matiu 22:39

Ma iri i a manru na warkurai, ra i ling na elar nami, ‘Un nem o pasam elar nami ra u nem ui ut.’ Wkp 19:18

A Wakak na Wasiso un o Iesu Karisito o Mak i tumusi 9:7

Ra a du bakut i wanpat ma i pulus bat pas det. Ma in nalngan ara tagisapat una bakut i watungi lena, “Iri a Nutunglik, a nat na wakak. Mot in longoro i.”

A Wakak na Wasiso un o Iesu Karisito o Jon i tumusi 1:12

Ikut, torom det ra det gas pasi, ma det nurnur una risano, i mulaot pas det sur det a kum nutnutun o God.

A Wakak na Wasiso un o Iesu Karisito o Jon i tumusi 13:34

“Uniri a pitar a matok na warkurai torom mot lena, mot in nem etetalai mot. Mot in nem etetalai mot elar nami ra a nem mot.

A Wakak na Wasiso un o Iesu Karisito o Jon i tumusi 14:1

O Iesu i watungi tandet lena, “Gong a balamot i mamaut, mot in nurnur un o God, ma mot in nurnur kai un iau.

A Wakak na Wasiso un o Iesu Karisito o Jon i tumusi 15:12

Iri anung a warkurai torom mot lena, mot in nem etetalai mot, elar nami ra a nem mot.

A Wakak na Wasiso un o Iesu Karisito o Jon i tumusi 17:3

A nilaun tukum i lenri: A taro det in tasman ui, ra ui kut a God mulus, ma det in tasman o Iesu Karisito kai, i ra u tulu ru i urin.

A Wakak na Wasiso un o Iesu Karisito o Jon i tumusi 2:23

O Iesu i kis sapat o Jerusalem una labino bung na lotu na Wanlakai, ra a susut na taro det tama a kum ukinalong ra i pami, ma det nurnur una risano.

A Wakak na Wasiso un o Iesu Karisito o Jon i tumusi 3:18

Osi ra i nurnur uni, ka din pitar a warkurai na minabalu toromi. Ikut, osi ra ke nurnur, i sa tur una dekdek na warkurai na minabalu uni ke nurnur un ara Nutun o God sot kut.

A Wakak na Wasiso un o Iesu Karisito o Jon i tumusi 6:29

O Iesu i balu det lena, “Iri a pinapam anun o God, ra mot in nurnur un o naro ra di tulu ru i urin.”

Aposel 16:31

Ra der balu i lena, “Un nurnur una Labino o Iesu, ra o God in ulaun ui tomo nam det ra det kis una num a rumu.”

Epeses 5:2

Mot in laun nama marmaris, elar nam o Karisito i maris dat, ra i pitar tar anun a nilaun sur dat, elar nama etabor ra i sangnain wakak torom o God.

1 Tesalonaika 4:9

Ka metul in tumtumus melet mo torom mot una numot a marmaris torom a kum tistisi mot, uni, o God i sa ususer tar mot sur mot in nem etetalai mot.

1 Timoti 1:15

I wan pirso urin una rakrakon bual sur in ulaun a kum tene sakino. A wasiso ri i lingmulus sakit, ma dat in nurnur uni. Ma iau, a laulau sakit tan a kum tene sakino rop.

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.

1 Pita 4:8

Iri a utna ra i labo sakit taun a kum utna rop, mot in nem etetalai mot nama lingmulus, uni a marmaris i pulus bat a susut na sakino petutna.

1 Jon 2:7

A kum wakak na paspasang, awu sur a matok na warkurai ri a tumusi torom mot, a turaino, a warkurai kut ra mot sa longoro tari tagun numugu utmakai.

1 Jon 3:11

A wasiso ri mot longoro i tagun numugu lena, dat in nem etetalai dat.

1 Jon 4:15

Ra taio i wasiso puaso lena, o Iesu a Nutun o God, o God i laun uni, ma i kai i laun un o God.

1 Jon 4:21

I pitar tar a warkurai ri tandat, lenri: Ra taio i nem o God, in nemi kai o tisino.

1 Jon 5:13

A kum utna ri a tumusi torom mot, ra mot nurnur una risan a Nutun o God, sur mot in tasmani lena, mot sa utur ukai a nilaun tukum.