1 Jon 3:21 - Nupela Testamen long tokples Kandas

²¹ A kum wakak na paspasang, ra a nuknukin dat ke takun dat, dat in balano molmol umatan o God.

1 Jon 3:21 ပူးပေါင်းရင်းမြစ်များ

A Pas anun o Pol torom a taro Rom 14:22

A kum utna rop ra u nuki lena i wakak torom ui, anumur ut nam o God. Osi ra i pam tu utna ma a nuknukino ken takuni uni, i dan.

1 Korin 4:4

Uni ka nuk pas tu utna ra a raro uni, ikut a nuknuking ri ken ulangolango ru iau. A Labino ut in kuro iau.

2 Korin 1:12

Iri a utna ra met warango met nami: a balamet ke takun met un tu utna, uni met tasmani lena, ka met toro, met muri ut a tokodos na petutna tan o God, una numet a nilaun nin upiso, ma una numet a kinkinis tomo nam mot. Ka met mur a mananos anun a taro, met papam murmuri ut a marmaris anun o God.

Epeses 3:12

Dat langolango sur dat in nan torom o God ma ka dat in ngara, uni dat tagun o Karisito ma dat nurnur uni.

1 Timoti 2:8

A nemi sur a kum musano una kum tamon det in wararing ma det in tulsu a kum lamandet usapat netes, det in pitar tar det torom o God, ma gong det kankan ma gong det engaras.

Ibru 10:22

I mo ra, dat in nan milau o God nama lingmulus unin balandat ma a nurnur mulus, ma a nuknukin dat ra i langolango gusun a kum etakun una kum sakino petutna, uni o Iesu i sa lamir talapor tari nama gapino. Dat in nan milau i nama pinindat ra i sa gos tari nama danim ra i talapor.

Ibru 4:16

I mo ra dat in nan torom o God, anundat a King, a tene marmaris, ma gong dat ngara. Dat in nan toromi sur dat in utur ukai anun a marmaris, ra in warut dat una nundat a kum mamaut.

1 Jon 2:28

A kum nutnutung liklik, mot in kis tukum un o Karisito, sur gong dat ngara ma gong dat maimai una nun a bung na inawan pat.

1 Jon 2:7

A kum wakak na paspasang, awu sur a matok na warkurai ri a tumusi torom mot, a turaino, a warkurai kut ra mot sa longoro tari tagun numugu utmakai.

1 Jon 3:2

A kum wakak na paspasang, uniri dat a kum nutnutun o God, ma ke puaso utmakai lena, numur, dat in nanpat pepetlai. Ikut dat tasmani lena, numur ra o Iesu in nanpat, dat in elar ut nami, uni dat in tama mulusi maragom.

1 Jon 3:20

Ra a nuknukin dat in takun dat, a mananos anun o God i labo taun a nuknukin dat, ma i tasman a kum utna rop.

1 Jon 4:17

Una kisapi ri, anun a marmaris i bukus un dat, ma ka dat in ngara una bung na warkurai, uni nin una rakrakon bual, dat laun elar nam o Karisito.

1 Jon 5:14

Ra dat wararing torom o God sur tu utna elar nam anun a nemnem, dat sa tasman mulusi lena, in longoro dat. Ra ka dat in ngara sur dat in saringi sur tu utna.