1 Jon 3:19 - Nupela Testamen long tokples Kandas

¹⁹ Ra dat in marmaris lenra, dat in tasmani lena, dat tagun a lingmulusino, ma dat in balano molmol umatan o God.

1 Jon 3:19 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 13:35

Ra mot in nem etetalai mot, a taro rop det in tasmani lena mot anung a kum nat na ususer.”

A Wakak na Wasiso un o Iesu Karisito o Jon i tumusi 18:37

Numur o Pailat i tingi lena, “I lingmulus ut, ui a king?” O Iesu i balu i lena, “I lingmulus ut ra u watungi lena iau a king. Di usus iau, ra a wanpat nin una rakrakon bual, sur an wasiso una lingmulus. Det rop ra tagun a lingmulus, det longoro in nalngang.”

A Pas anun o Pol torom a taro Rom 4:21

Ma una nun a nurnur i tasmani ut lena, o God i pet lari sur in pam sot pasi ut anun a liliman.

A Pas anun o Pol torom a taro Rom 8:38

Uni a tasmani ut lena, katu utna in ukis susuaro dat gusun a marmaris anun o God: A minat, a nilaun, a kum ensel, a kum laulau na nion, tu ngas na utna in nanpat uniri o numur, a kum sangsagor,

2 Timoti 1:12

Iri a kibino ra a taramo a ngunungut lenri. Ikut, ka maimai, uni a tasman o naro ra a nurnur uni, ma a tasman mulusi lena, in pet lar pasi sur in tamtamabat a pinapam, ra i sa pitar tari tang, tuk una bung na warkurai.

Ibru 10:22

I mo ra, dat in nan milau o God nama lingmulus unin balandat ma a nurnur mulus, ma a nuknukin dat ra i langolango gusun a kum etakun una kum sakino petutna, uni o Iesu i sa lamir talapor tari nama gapino. Dat in nan milau i nama pinindat ra i sa gos tari nama danim ra i talapor.

Ibru 11:13

A taro rop ri det nurnur tuk ra det mat. Ra det laun nin upiso, ka det utur ukai a kum utna ra o God i sa uliliman tar det nami. Det tama i kut tagitiro bakbak, ma det gas pasi. Ma det watungi un det ut lena, det kis na usiro kut, ma det in laun lilik pas kut nin upiso.

1 Jon 1:8

Ra dat watungi lena, ka dat pam tar tu sakino petutna, dat toro melet pas dat ut, ma a lingmulusino ke kis un dat.

1 Jon 2:21

Awu sur a tumtumus torom mot uni ka mot tasman a lingmulusino, awu. A tumtumus torom mot uni mot sa tasman a lingmulusino, ma katu torotoro i ser wanpat taguni.

1 Jon 3:14

Dat tasmani lena, dat sa wan gusun a minat, sur a nilaun, uni dat nem a kum tistisin dat. Ma osi ra kalako marmaris, i kis utmakai una minat.

1 Jon 3:20

Ra a nuknukin dat in takun dat, a mananos anun o God i labo taun a nuknukin dat, ma i tasman a kum utna rop.

1 Jon 3:21

A kum wakak na paspasang, ra a nuknukin dat ke takun dat, dat in balano molmol umatan o God.