1 Jon 3:16 - Nupela Testamen long tokples Kandas

¹⁶ Dat in tasman a marmaris mulus lenri: O Iesu Karisito i pitar anun a nilaun ma i mat sur dat. I wakak sur dat kai, dat in pitar anundat a nilaun ma dat in mat sur a kum tistisin dat.

1 Jon 3:16 ပူးပေါင်းရင်းမြစ်များ

Matiu 20:28

Lenkutkai ra a Nutun a Musano ke wanpat sur din papam toromi. I wanpat sur i ut in papam torom a taro, ma in pitar tar anun a nilaun, a ikul, sur in kul langolango pas a susut na taro.”

A Wakak na Wasiso un o Iesu Karisito o Jon i tumusi 10:11

“Iau a wakak na tene tamtamabat anun a kum sipsip. A pitar anung a nilaun sur an mat bat det.

A Wakak na Wasiso un o Iesu Karisito o Jon i tumusi 10:15

elar nam o Tita i tasman iau, ma a tasman o Tita, ma a pitar anung a nilaun sur an mat bat det.

A Wakak na Wasiso un o Iesu Karisito o Jon i tumusi 13:34

“Uniri a pitar a matok na warkurai torom mot lena, mot in nem etetalai mot. Mot in nem etetalai mot elar nami ra a nem mot.

A Wakak na Wasiso un o Iesu Karisito o Jon i tumusi 3:16

“O God i maris a rakrakon bual, ra i pitar tar o Nutunu ara sot kut, sur osi ra in nurnur uni, in laun tukum ma ken iru.

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

A Pas anun o Pol torom a taro Rom 16:4

Ka der nuk pas anunder a nilaun sur der in warut iau. A watung wakak doko torom der, ma awu sur iau kut, a kum taro na lotu rop ra awu sur a taro Juda, det kai det watung wakak torom der.

A Pas anun o Pol torom a taro Rom 5:8

Ikut o God i ese anun a marmaris torom dat una kisapi lenri: Ra dat laun utmakai una sakino petutna, o Karisito i mat sur dat.

2 Korin 4:12

I mo ra a minat i papam un met, ikut a nilaun i papam un mot.

Epeses 5:2

Mot in laun nama marmaris, elar nam o Karisito i maris dat, ra i pitar tar anun a nilaun sur dat, elar nama etabor ra i sangnain wakak torom o God.

Epeses 5:25

Mot kai, a kum nolin na musano, mot in ser nem anumot a kum ino, elar nam o Karisito i maris a taro na lotu, ra i pitar tar anun a nilaun sur det,

Pilipai 2:17

Anumot a pinapam ra anumot a nurnur i pam pati, i elar nama etabor torom o God. Ra kanapi an mat, a gaping in elar nama etabor ra di lingisi netes una numot a etabor. Ra an gas ma an gas tomo nam mot rop.

Pilipai 2:30

uni i pitar tar anun a nilaun una pinapam anun o Karisito, ra milau mo sur in mat. Ke nuk pas anun a nilaun, i pitar tari sur in warut iau, uni mot ut, ka mot pet lar pasi.

1 Tesalonaika 2:8

Metul nem doko mot, ra metul gas doko sur metul in inanos mot una Wakak na Wasiso anun o God. Awu sur i kut ra, awu, metul gas utkai sur metul in pitar anumetul a nilaun kai torom mot, uni mot labo doko umatametul.

Taitus 2:13

ra dat kis langlang nama nurnur sur a bung na gasgas ra in nanpat. A bung ra anundat a Labino o God, o Iesu Karisito, a Tene Ulaun anundat in nanpat nama nun a minamar.

1 Pita 1:18

Mot sa tasmani lena o God i kul langolango pas mot gusun a kum ngasino oros kut, ra mot losi gusun a kum tamtama mot. Awu sur i kul langolango pas mot nama utna ra in rorom kut, elar nama silwa ma a gol.

1 Pita 2:24

O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot.

1 Pita 3:18

Uni o Karisito kai i taramo a ngunungut ra i mat ara dino kut, una nundat a kum sakino petutna. A Tene Tokodos i mat sur det ra ka det tokodos, sur in ben pas mot torom o God. Det um doko ru a pinino, ikut di ulaun pasi una nion.

1 Jon 2:6

Osi ra i watungi uni lena, i anun o God, in laun elar nama nilaun anun o Iesu.

1 Jon 2:9

Osi ra i watungi lena i kis una talapor, ikut i nget o tisino, i kis utmakai una dumirum.

Tamtama 1:5

ma tan o Iesu Karisito, i a lingmulus na tene wasiso talapor un o God, ma a mugano tandet ra det in laun melet gusun a minat, ma a mugumugu anun a kum king una rakrakon bual. I maris dat, ma i ulangolango pas dat gusun anundat a kum sakino petutna nama gapino,

Tamtama 5:9

Ma det kele a matok na kelekele lenri, “Ui ut u tokodos sur un los pas a buk ma un papok ru a kum bulit gusuni, uni di um doko ui, ma u kul pukus pas a taro torom o God nama gapim, a taro tagun a kum kamkabo taro rop, tagun a wur ngas na wasiso rop, tagun a kum tamon rop ma tagun a kum gapman rop.