1 Jon 3:15 - Nupela Testamen long tokples Kandas

¹⁵ Osi ra i nget o tisino, i a tene um doko a taro, ra mot tasmani lena a nilaun tukum ke kis un det a kum tene um doko a taro.

1 Jon 3:15 ပူးပေါင်းရင်းမြစ်များ

Matiu 5:28

Ikut iau, a watungi tamot lena, ra tu musano in tama tar tu ino ma a nuknukino i laulau toromi, una nuknukino, i sa pam tar a sakino petutna tomo nama ino ra.

A Wakak na Wasiso un o Iesu Karisito o Mak i tumusi 6:19

O Erodias i nget laulau o Jon ma i nemi sur in um doko i. Ikut ke pet lar pasi,

A Wakak na Wasiso un o Iesu Karisito o Jon i tumusi 4:14

Ikut det ra det in inum a danim ra an tabor det nami, ka det in muruk melet mo. A danim ra an tabor det nami, in elar nam ara matmatano danim una nundet a nilaun, ra in burburak pat ma in tabor det nama nilaun tukum.”

A Wakak na Wasiso un o Iesu Karisito o Jon i tumusi 8:44

A tamamot ra o Satan, ma mot nemi ut lena mot in mur anun a nemnem. Tagun numugu utmakai, i a tene um doko a taro, ma ke tasman a lingmulus, uni katu lingmulus i kis uni. Ra i watung a torotoro, i wasiso nam anun a wasiso mulus, uni i ut a tene torotoro ma a taman a torotoro.

Aposel 23:12

Una bung palu una kobot, a ramano kum te Juda, elar nama wat na noino ma i puku, det wasiso tomo pas ra det liliman lena, ka det in nangon, ma ka det in inum, tuk ut ra det sa um doko tar o Pol.

Aposel 23:14

Det wan torom a kum lamlabino tene etabor torom o God, ma a kum mugumugu na lotu, ra det watungi lena, “Met sa liliman taru sur ka met in nan tu utna tuk ut ra met sa um doko ru tar o Pol.

Jems 1:15

Numur, ra anundet a laulau na nemnem in labo, in usus pat pas a sakino petutna. Ra a sakino petutna in labo, in usus pat pas a minat.

1 Pita 1:23

Uni anumot a matok na nilaun ke kibino un taio taginin upiso, uni taio taginin upiso in rop kut. Di usus matok mot nama utna ra ken rop. Ma a utna ra, a wasiso anun o God, ra i laun ma in tur tukum.

1 Jon 2:11

Ikut osi ra i nget o tisino, i kis utmakai una dumirum, ma i wanan utmakai una dumirum, ma ke tasmani lena i wanan urai, uni a dumirum i sa upulu pas in matano.

1 Jon 2:9

Osi ra i watungi lena i kis una talapor, ikut i nget o tisino, i kis utmakai una dumirum.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”