1 Jon 3:14 - Nupela Testamen long tokples Kandas

¹⁴ Dat tasmani lena, dat sa wan gusun a minat, sur a nilaun, uni dat nem a kum tistisin dat. Ma osi ra kalako marmaris, i kis utmakai una minat.

1 Jon 3:14 ပူးပေါင်းရင်းမြစ်များ

Matiu 25:40

“A king in balu det lena, ‘A inanos mot nama lingmulus, asau ra mot sa pam tari torom tu musano oros kut tagun a kum tistising ri, mot sa pam tari ut un iau.’

Luk 15:24

Uni o nutunglik ri i sa mat, ma uniri i sa laun melet, i raro pas ma uniri i sa wanpat melet.’ Ra a lukaro i turpasi.

Luk 15:32

I wakak sur dat in gas ma dat in nangon, uni o tisimlik ri i sa mat ma uniri i sa laun melet, i raro pas, ma uniri i sa wanpat melet.’”

Luk 7:5

uni i maris dat a taro Juda, ma i kul tar anundat a rumu na lotu.”

A Wakak na Wasiso un o Iesu Karisito o Jon i tumusi 13:35

Ra mot in nem etetalai mot, a taro rop det in tasmani lena mot anung a kum nat na ususer.”

A Wakak na Wasiso un o Iesu Karisito o Jon i tumusi 15:12

Iri anung a warkurai torom mot lena, mot in nem etetalai mot, elar nami ra a nem mot.

A Wakak na Wasiso un o Iesu Karisito o Jon i tumusi 15:17

Mot in nem etetalai mot. Iri anung a warkurai torom mot.

A Wakak na Wasiso un o Iesu Karisito o Jon i tumusi 5:24

“A inanos mot nama lingmulus, osi ra i longoro anung a kum wasiso ma i nurnur un o naro ra i tulu ru iau urin, i sa utur ukai a nilaun tukum, ma ken iru una warkurai. I sa wan gusun a minat sur a nilaun tukum.

2 Korin 5:1

A pinindat i elar nama rumu na sel ra dat laun uni nin una rakrakon bual. Ma dat tasmani lena, ra in laulau, o God in pitar a rumu torom dat sapat una langit. A rumu ra, awu sur a taro det pami nama lamandet, awu. O God ut i sa pam tari, ma a rumu ra in tur tukum.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Epeses 1:15

I mo ra, a ser wararing sur mot. Ra a longoro i lena mot sa nurnur una Labino o Iesu, ma mot nem a taro rop anun o God, ka mana nama watung wakak torom o God un mot. Ma una nung a kum niaring a ser nuk pas mot.

Epeses 2:1

Numugu a niomot i mat, uni mot lakai a warkurai ma mot pam a kum sakino petutna.

Epeses 2:5

Ra dat mat una nundat a kum sakino petutna, i ulaun pas dat tomo nam o Karisito. O God i sa ulaun pas mot, kibino kut una nun a marmaris.

Kolosi 1:4

uni mir sa longoro i lena, mot sa nurnur un o Karisito Iesu, ma mot nem a taro rop anun o God.

1 Tesalonaika 4:9

Ka metul in tumtumus melet mo torom mot una numot a marmaris torom a kum tistisi mot, uni, o God i sa ususer tar mot sur mot in nem etetalai mot.

Ibru 13:1

Gong mot mana nama marmaris etetalai torom mot, lar a kabo tistisino.

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.

1 Pita 3:8

Anung a kum ururop na wasiso torom mot rop i lenri, i wakak sur a nuknuki mot in takai kut. Ra taio tagun mot in los a maut, mot kai mot in losi tomo nami. Mot in nem etetalai mot elar ut ra mot nisnisino. Mot in lason una marmaris, ma mot in unatino pas mot.

2 Pita 1:7

Ma mot in palataun a petutna ra i wakak umatan o God, nama marmaris torom a kum tistisi mot una nurnur. Ma mot in palataun a marmaris ra, nama marmaris kai torom a taro rop.

1 Jon 2:3

Ra dat mur anun a kum warkurai, dat talapor lena dat tasmani ut o God.

1 Jon 3:23

A warkurai anun o God i lenri: Dat in nurnur una risan o Nutunu, o Iesu Karisito, ma dat in nem etetalai dat, elar nam anun a warkurai torom dat.

1 Jon 4:12

Katutaio utmakai i tama tar o God. Ikut ra dat nem etetalai dat, o God kuri un dat, ma anun a marmaris i bukus un dat.

1 Jon 5:13

A kum utna ri a tumusi torom mot, ra mot nurnur una risan a Nutun o God, sur mot in tasmani lena, mot sa utur ukai a nilaun tukum.

1 Jon 5:2

Ra dat nem o God, ma dat mur anun a kum warkurai, dat tasmani lena, dat nem a kum nutnutunu.