1 Jon 3:12 - Nupela Testamen long tokples Kandas

¹² Ma gong dat elar nam o Kain, i ra anun o Satan, ra i um doko ru o tisinolik o Abel. Asau a kibino ra i um doko i? Uni a magirano i laulau, ma a magiran o tisinolik i tokodos.

1 Jon 3:12 ပူးပေါင်းရင်းမြစ်များ

Matiu 13:19

Osi ra i longoro a wasiso una matanitu tagisapat una langit, ma ke mananos uni, i elar nama kum pitino wit ra det puku una kisapi. A Laulau na Musano i wanpat ra i rakon ru a wasiso ra di sa marut tari unin balano.

Matiu 13:38

A kinobot, i a rakrakon bual, ma a kum wakak na pitino wit, det a taro tagun a matanitu tagisapat una langit, ma a kum karapa, det a kum nutnutun a Laulau na Musano,

Matiu 23:35

Din pitar a warkurai na minabalu torom mot, una gapin a kum tene tokodos rop, ra di sa um doko tar det. Turpasi ra di um doko o Abel, a tene tokodos, ma i wan tuk ra di um doko o Sekaraia, a nutun o Berekia, i ra mot um doko i epotor nisan a kabulu na tuntun etabor ma a rumu na etabor.

Matiu 27:23

Ma i ting det lena, “Sur asau? Asi na sakino utna ra i sa pam tari?” Ikut det kukukuk dekdek lena, “Sak wati unin nanai kutus!”

Matiu 5:37

Mot in watungi kut lena ‘ma’ o ‘awu’. Uni, ra mot in watung tu ngas na wasiso melet, i ra i wanpat mukut tan a Tene Sakino.

Luk 11:51

Turpasi ra di um doko o Abel ma i wan tuk ra di um doko o Sekaraia, i ra i iru epotor nisan a kabulu na tuntun etabor ma a rumu na etabor. A watungi tamot, din pitar a warkurai na minabalu torom a taro tagun uniri una kum utna rop ri.

A Wakak na Wasiso un o Iesu Karisito o Jon i tumusi 10:32

O Iesu i watungi tandet lena, “A sa ese tar mot una susut na pinapam, ra o Tita i pitar tari tang sur an pami. Osi na utna tagun a kum pinapam ri, ra a pami, ra mot nem na duku iau uni?”

A Wakak na Wasiso un o Iesu Karisito o Jon i tumusi 8:40

Iau a musano ra a inanos mot nama lingmulusino ra a longoro i tan o God, ikut mot nem na um doko iau. O Abaram ke pam tu utna lenri.

A Wakak na Wasiso un o Iesu Karisito o Jon i tumusi 8:41

Mot, mot pami ut a kum pinapam ra a tamamot i pami.” Det watungi tan o Iesu lena, “Awu sur di usus oros tar met kut, a tamamet ut ra o God.”

Aposel 7:52

A kum tumtubu mot tagun numugu det ban laulau a kum poropet rop. Det um doko det ra det wasiso mugu una inawan pat urin anun a Tene Tokodos, i ra uniri mot usobor tari, ma mot um doko ru i.

1 Tesalonaika 2:14

A kum tistisi metul, mot elar nama taro na lotu anun o God un o Karisito Iesu, ra det kis tong una papor Judia. Uni, mot kai, mot taramo a ngunungut tan a taro tagun anumot a tamon ut, elar nama taro na lotu tong o Judia det taramo i tan anundet a taro ut, a taro Juda,

Ibru 11:4

Una nun a nurnur, o Abel i pitar tar a etabor torom o God ra i wakak sakit taun a etabor anun o Kain. Kibino una nun a nurnur, o God i nem anun a etabor, ra i wasiso puaso un o Abel lena i a tene tokodos. A lingmulus o Abel i sa mat, ikut, kibino una nun a nurnur, kuri utmakai i wasiso torom dat.

Ibru 12:24

ma torom o Iesu, i ra i tur epotor tan o God ma a taro, ra i pam tar a matok na kunubus, sur i dat tomo tar det. Mot sa wanpat torom a gapino, ra di sa lamlamir taru nami. A gap ri i wasiso puaso una kum utna ra i wakak sakit taun asau ra a gapin o Abel i wasiso uni.

1 Pita 4:4

Ra uniri, a kum paspasa mot det kisin doko, ra ka mot nemi melet mo sur mot in pam a kum laulau na petutna ra, tomo nam det, ra det watung laulau mot.

1 Jon 3:8

Ma osi ra i pam a sakino petutna, i anun o Satan, uni o Satan a tene pam a sakino turpasi ut una turturkibino. Ikut, a Nutun o God i wanpat sur in kamar ru a pinapam anun o Satan.

A Pas anun o Jud 1:11

In laulau doko torom det! Det mur a petutna anun o Kain. Ma det raro elar nam o Balam, uni det pam a kum laulau na utna sur det in los a mani uni. Det in iru elar nam o Kora, ra i mugu pas a taro ra det rosumur gusun o God, ra det iru rop.

Tamtama 17:6

A tama a ino ra i inum pas a gapin a taro anun o God, a gapindet ra det wasiso talapor un o Iesu. Ra i sipak nami. Ra a tama i, a kisin doko.