1 Jon 3:10 - Nupela Testamen long tokples Kandas

¹⁰ Dat in tama lele a kum nutnutun o God ma a kum nutnutun o Satan lenri: Osi ra ke pam a tokodos na petutna, i awu sur a nutun o God, lenkutkai ra torom osi ra ke nem o tisino.

1 Jon 3:10 ပူးပေါင်းရင်းမြစ်များ

Matiu 13:38

A kinobot, i a rakrakon bual, ma a kum wakak na pitino wit, det a taro tagun a matanitu tagisapat una langit, ma a kum karapa, det a kum nutnutun a Laulau na Musano,

Luk 6:35

Ikut mot in nem anumot a kum ebar, ra mot in pam a wakakino torom det. Ra a taro det nemi sur det in los pas tu utna munung gusun mot, mot in pitari kut, ma gong mot nemi sur det in balu i. Ra mot in pami lenra, anumot a ikul in labo sakit, ma mot a kum nutnutun o God a Labino Sakit, ra i ser maris det ra ka det ser watung wakak toromi, ma a kum tene sakino kai.

A Wakak na Wasiso un o Iesu Karisito o Jon i tumusi 1:12

Ikut, torom det ra det gas pasi, ma det nurnur una risano, i mulaot pas det sur det a kum nutnutun o God.

A Wakak na Wasiso un o Iesu Karisito o Jon i tumusi 11:52

Ma awu sur in mat sur det kut, sur a taro rop utkai anun o God ra det kis una ramano kum tamon gisen, sur in ben tomo pas det ma det in takai kut.

A Wakak na Wasiso un o Iesu Karisito o Jon i tumusi 8:44

A tamamot ra o Satan, ma mot nemi ut lena mot in mur anun a nemnem. Tagun numugu utmakai, i a tene um doko a taro, ma ke tasman a lingmulus, uni katu lingmulus i kis uni. Ra i watung a torotoro, i wasiso nam anun a wasiso mulus, uni i ut a tene torotoro ma a taman a torotoro.

A Wakak na Wasiso un o Iesu Karisito o Jon i tumusi 8:47

Osi ra anun o God, i ser longoro a kum wasiso anun o God. Ikut mot, ka mot longoro i, uni awu sur mot anun o God.”

Aposel 13:10

ma i watungi tano lena, “Ui a nutun o Satan, a ebar anun a kum tokodos na petutna rop. U bukus nama kum ngas na torotoro ma a kum usobor. U pukus liklik a tokodos na kisapi anun a Labino. Nangisin mo un mana gusun anum a petutna ra?

A Pas anun o Pol torom a taro Rom 13:8

Gong u madek tar anum tu dinau torom taio. Ikut anum ara dinau kut ra kon mana u balu i, i lenri: Un ser nem a taro. Uni osi ra i nem a taro, i sa pam sot pas a kum Warkurai anun o God.

Epeses 5:1

Mot in laun elar nama nilaun anun o God, uni mot a kum nutnutun o God, ma i maris doko mot.

Kolosi 3:14

Netes una kum petutna rop ri, i wakak sur mot in emar nama marmaris torom mot etetalai. A marmaris i dat tomo dat rop, sur dat in takai kut.

1 Timoti 1:5

A watungi lenra, sur a marmaris in lubung epotor tandat etetalai. A marmaris ra, i wan tagun a tokodos na balandat, ma a wakak na nuknukin dat, ma a lingmulus na nurnur.

1 Jon 2:29

Mot tasmani lena, o God a tene tokodos, ma mot tasmani kai lena, det rop ra det pam a tokodos na petutna, det a kum nutnutun o God.

1 Jon 3:1

Tama i! A Tamandat, una labino marmaris anunu torom dat, i watung dat a kum nutnutunu. I lingmulus ut, dat a kum nutnutun o God. A taro tagun a rakrakon bual ka det tasman o God, lenkutkai ra ka det tasman dat lena dat a kum nutnutunu.

1 Jon 3:2

A kum wakak na paspasang, uniri dat a kum nutnutun o God, ma ke puaso utmakai lena, numur, dat in nanpat pepetlai. Ikut dat tasmani lena, numur ra o Iesu in nanpat, dat in elar ut nami, uni dat in tama mulusi maragom.

1 Jon 4:21

I pitar tar a warkurai ri tandat, lenri: Ra taio i nem o God, in nemi kai o tisino.

1 Jon 4:6

Dat anun o God, ma osi ra i tasman o God i longoro dat. Ikut osi ra awu sur tagun o God, ken longoro dat. Lenra dat in tasman lele a Nion ra i lingmulus, ma a nion ra i torotoro.

1 Jon 4:8

Osi ra ke tasman a marmaris, ke tasman o God, uni o God, i a kimkibin a marmaris.

1 Jon 5:19

Dat sa tasmani lena, dat a kum nutnutun o God, ma a rakrakon bual rop i kis utuntudu ina warkurai anun o Satan.

1 Jon 5:2

Ra dat nem o God, ma dat mur anun a kum warkurai, dat tasmani lena, dat nem a kum nutnutunu.

3 Jon 1:11

A wakak na pasang, gong u tamtama ususer una sakino petutna, un muri kut a wakakino. Osi ra i pam a wakakino, i anun o God, ma osi ra i pam a sakino, ke tasman o God.