1 Jon 2:8 - Nupela Testamen long tokples Kandas

⁸ Ikut a warkurai ra, tuk uniri i matok utmakai. A lingmulus ina warkurai ri, di tama i un o Karisito, ma di tama i kai un mot, uni a dumirum i rop nanan, ma a talapor mulus i sa wanpat.

1 Jon 2:8 ပူးပေါင်းရင်းမြစ်များ

Matiu 4:16

A taro ra det kis una dumirum det sa tama a labino talapor, ma det ra a dumirum na minat i pulus bat det, a talapor i sa wanpat torom det.” Ais 9:1-2

Luk 1:79

In sisio un det ra det kis una dumirum, ma una dumirum na minat, sur in mugu dat una kisapi na malmal.”

A Wakak na Wasiso un o Iesu Karisito o Jon i tumusi 1:9

A talapor mulus, ra i ser utalapor a taro rop, in nanpat mo urin una rakrakon bual.

A Wakak na Wasiso un o Iesu Karisito o Jon i tumusi 12:35

O Iesu i watungi tandet lena, “A talapor ken kis suano i mo torom mot. Ra a talapor i kis utmakai torom mot, mot nan tuptupukus. Numur a dumirum in pulus bat mot. I ra i wanan una dumirum, ken tasmani lena in nan urai.

A Wakak na Wasiso un o Iesu Karisito o Jon i tumusi 12:46

A sa wanpat urin una rakrakon bual elar nama talapor, sur osi ra i nurnur un iau, ken kis una dumirum.

A Wakak na Wasiso un o Iesu Karisito o Jon i tumusi 13:34

“Uniri a pitar a matok na warkurai torom mot lena, mot in nem etetalai mot. Mot in nem etetalai mot elar nami ra a nem mot.

A Wakak na Wasiso un o Iesu Karisito o Jon i tumusi 8:12

O Iesu i wasiso melet torom a taro, ra i watungi lena, “Iau a talapor tagun a rakrakon bual. Osi ra i mur iau, in pam ukai a talapor na nilaun, ma ken nan melet una dumirum.”

Aposel 17:30

Una kum kilalo numugu, o God ke nuknuk una kum petutna anun a taro ra ka det nuk pasi. Ikut uniri, i pitar a warkurai sur a taro rop una rakrakon bual det in nukpukus.

Aposel 26:18

Un utamtama det sur det in tupukus gusun a dumirum sur a talapor, ma gusun a dekdekin o Satan sur o God, sur din unus ru anundet a kum sakino petutna. Det in nurnur un iau, ma una nundet a nurnur, det in kis tomo nam det ra o God i sa pilok pas det sur anun a taro.’

A Pas anun o Pol torom a taro Rom 13:12

I sa labino mirum pas, ma milau mo in waspi. I mo ra dat in lakro ru i mo a kum pinapam tagun a dumirum, ma dat in emar pas nama kum utna na inaim tagun a talapor.

2 Korin 8:9

Uni mot tasman a marmaris anun anundat a Labino o Iesu Karisito. I ut i tadaru sakit nama susut na utna, ikut i wan gusun anun a wakak na kinkinis sapat netes una langit, uni i maris mot, ma i kis na sibo nin una rakrakon bual, sur mot, mot in tadaru nama wakak na nilaun.

Epeses 5:8

Numugu mot kis una dumirum, ikut uniri, mot kis una talapor uni mot tagun a Labino. Mot in laun elar nama kum nutnutun a talapor.

2 Timoti 1:10

Ra uniri, dat sa tama a marmaris anun o God torom dat, una inawan pat anun anundat a Tene Ulaun, o Karisito Iesu, i ra i urop ru a minat. Ma una Wakak na Wasiso, i upuaso a nilaun tukum sur in nanpat talapor.

1 Pita 1:21

Ma mot nurnur un o God i kibino ut un o Karisito. Ra o God ut i ukatutur melet pas o Karisito gusun a minat, ra i pitar tar a minamar toromi. I mo ra, mot nurnur un o God ma mot kis langlang nama nurnur sur a utna ra in pami numur.

1 Jon 3:23

A warkurai anun o God i lenri: Dat in nurnur una risan o Nutunu, o Iesu Karisito, ma dat in nem etetalai dat, elar nam anun a warkurai torom dat.

1 Jon 4:11

A kum wakak na paspasang, o God i maris doko dat lenri, i wakak sur dat kai, dat in nem etetalai dat.

1 Jon 4:21

I pitar tar a warkurai ri tandat, lenri: Ra taio i nem o God, in nemi kai o tisino.