1 Jon 2:12 - Nupela Testamen long tokples Kandas

¹² A tumtumus torom mot a kum nutnutung liklik, uni di sa unus ru anumot a kum sakino petutna una minatin o Karisito.

1 Jon 2:12 ပူးပေါင်းရင်းမြစ်များ

Luk 24:47

ma din warawai una risano torom a taro tagun a kum gapman rop, turpasi sapat o Jerusalem. Din warawai torom det lena, det in nukpukus ma o God in unus ru anundet a kum sakino petutna.

Luk 5:20

O Iesu i tama anundet a nurnur, ra i inanos a musano a pinino i mat lena, “Pasang, di sa unus ru anum a kum sakino petutna.”

Aposel 10:43

Ma a kum poropet rop det wasiso puaso un o Iesu, lena osi ra i nurnur uni, din unus ru anun a kum sakino petutna nama risano.”

Aposel 13:38

“I mo ra a kum tistising, a inanos mot sur mot in tasmani lena, un o Iesu, din unus ru anumot a kum sakino petutna. A Warkurai anun o Moses ken pet lar pasi sur in unus ru anumot a kum sakino petutna, sur din watung mot a kum tene tokodos.

Aposel 4:12

Katutaio gisen in ulaun dat, ma katu risan taio kai taginin una rakrakon bual, ra o God i pitar tari torom dat a taro, sur din ulaun dat nami.”

1 Korin 6:11

Ara taro tagun mot, numugu mot ser pam a kum ngasino ri. Ikut, una risan a Labino o Iesu Karisito, ma una Nion o God anundat, o God i sa gos talapor pas mot gusun anumot a kum sakino petutna, sur mot anun a taro, ma i sa watung mot lena mot tokodos umatano.

Epeses 1:7

O Karisito i mat, ra a gapino i kul langolango pas dat, ma o God i unus ru anundat a kum sakino petutna. A marmaris ra, anun o God i labo sakit,

Epeses 4:32

Ikut, mot in pam a wakakino ma mot in nem etetalai mot. Ma ra taio tagun mot i pam a sakino torom mot, mot in dumano ru i, elar nami ra o God i pami un mot un o Karisito.

Kolosi 1:14

i ra i sa kul langolango pas dat, ma i sa unus ru anundat a kum sakino petutna.

1 Jon 1:4

Ra met tumus a kum utna ri, sur anundat a gasgas in kudulano.

1 Jon 1:7

Ra dat laun una talapor, elar nam o God i kis una talapor, dat lason etetalai torom dat, ma a gapin o Iesu, a Nutunu, i rus talapor dat gusun a kum sakino petutna rop.

1 Jon 1:9

Ra dat watung puaso anundat a kum sakino petutna, o God ut i tokodos, ma in pam sot pas anun a liliman, ma in unus ru anundat a kum sakino petutna, ma in utalapor dat gusun a kum petutna ra ke tokodos.

1 Jon 2:1

A kum nutnutung liklik, a tumus a kum utna ri torom mot sur gong mot pam a sakino. Ikut ra taio in pam a sakino, anundat a tene warut, o Iesu Karisito a Tene Tokodos, in wasiso anun o naro ra, torom o Tamano.

1 Jon 2:21

Awu sur a tumtumus torom mot uni ka mot tasman a lingmulusino, awu. A tumtumus torom mot uni mot sa tasman a lingmulusino, ma katu torotoro i ser wanpat taguni.

1 Jon 2:7

A kum wakak na paspasang, awu sur a matok na warkurai ri a tumusi torom mot, a turaino, a warkurai kut ra mot sa longoro tari tagun numugu utmakai.