1 Jon 2:11 - Nupela Testamen long tokples Kandas

¹¹ Ikut osi ra i nget o tisino, i kis utmakai una dumirum, ma i wanan utmakai una dumirum, ma ke tasmani lena i wanan urai, uni a dumirum i sa upulu pas in matano.

1 Jon 2:11 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 12:35

O Iesu i watungi tandet lena, “A talapor ken kis suano i mo torom mot. Ra a talapor i kis utmakai torom mot, mot nan tuptupukus. Numur a dumirum in pulus bat mot. I ra i wanan una dumirum, ken tasmani lena in nan urai.

2 Korin 3:14

Ikut a nuknukin det i tobonot, ma tuk uniri, ra di luk a kum wasiso una mugano kunubus torom det, i elar kut nami ra di pulus bat a nuknukin det nama du malu ra. Katutaio i rakon ru i, uni o Karisito kut, in rakon ru i gusun osi ra tagun o Karisito.

2 Korin 4:4

O Satan, a god taginin una rakrakon bual, i sa upulu pas a nuknukin a taro ra ka det nurnur, sur ka det in tama a talapor ina Wakak na Wasiso ra i upuaso a minamar anun o Karisito, i ra a malalarin o God.

Taitus 3:3

Uni dat kai numugu, ka dat mananos, dat a kum tene pitarngat, dat wan raro, dat karabus una nundat a kum laulau na nemnem, ma a wur ngas na utna rop ra dat gas suri. Una nundat a kinkinis na nilaun dat pam a kum sakino, ma dat nuknuk laulau sur a utna anun taio, ma dat nget etetalai dat.

2 Pita 1:9

Ikut, osi ra a kum ngasino ri ke kis uni, i sa gawul in matano ma i sa pulu, ma i sa dumano ru i lena o God i sa gos talapor tari gusun a kum sakino petutna ra i pam tari.

1 Jon 1:6

Ra dat watungi lena, dat lason tomo nam o God, ikut dat kis kut una dumirum, dat a kum tene torotoro, ma a lingmulusino ke kis un dat.

1 Jon 2:10

Ikut osi ra i nem o tisino, i kis una talapor, ma katu utna una nun a nilaun in ban lingi sur in puku.

1 Jon 2:9

Osi ra i watungi lena i kis una talapor, ikut i nget o tisino, i kis utmakai una dumirum.

1 Jon 3:15

Osi ra i nget o tisino, i a tene um doko a taro, ra mot tasmani lena a nilaun tukum ke kis un det a kum tene um doko a taro.

1 Jon 4:20

Ra taio i watungi lena, “A nem o God,” ikut i nget o tisino, i a tene torotoro. Uni osi ra ke nem o tisino ra i tama i, ken nem lar pasi kai o God ra ke tama i.

Tamtama 3:17

Uni mot watungi lena, ‘Lingmulus, iau a tene gongon. A ubek tomo a susut na ululeng ma ka sibo sur tu utna.’ Ikut ka mot tama lele i lena, anumot a kinkinis ke wakak, mot pot na marmaris, mot sibo, mot pulu ma mot mengere.