1 Jon 1:8 - Nupela Testamen long tokples Kandas

⁸ Ra dat watungi lena, ka dat pam tar tu sakino petutna, dat toro melet pas dat ut, ma a lingmulusino ke kis un dat.

1 Jon 1:8 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 8:44

A tamamot ra o Satan, ma mot nemi ut lena mot in mur anun a nemnem. Tagun numugu utmakai, i a tene um doko a taro, ma ke tasman a lingmulus, uni katu lingmulus i kis uni. Ra i watung a torotoro, i wasiso nam anun a wasiso mulus, uni i ut a tene torotoro ma a taman a torotoro.

A Pas anun o Pol torom a taro Rom 3:10

Elar nami ra di sa tumus tari una Buk Tabu lena, “Katutaio i tokodos, katutaio ut!

A Pas anun o Pol torom a taro Rom 3:23

Uni a taro rop det sa pam tar a sakino petutna, ma det kis bakbak gusun a minamar anun o God.

1 Korin 3:18

Gong mot toro mot ut melet. Ra taio tagun mot i nuki lena i mananos nama ngas na mananos taginin una rakrakon bual, i wakak sur in longlong umatan a taro, sur in mananos mulus umatan o God.

Galesia 6:3

Ra taio i nuki lena i labo, ikut ra ke labo, i ut i toro melet pasi.

1 Timoti 6:5

A ngas na taro ri, det ser pam pat a purpuruon, a nuknukin det ke tokodos, ma det rosumur gusun a lingmulusino. Det nuki lena, ra det in mur a petutna ra i wakak umatan o God, a petutna ra, in pam pat a mani sur det in tene ululeng.

2 Timoti 3:13

A sakino taro ma a kum tene torotoro det in laulau, ma det in laulau sakit. Det in toro a taro, ma det in toro pas det utkai.

Jems 1:22

Mot in mur a wasiso anun o God, ra gong mot longoro oros tari kut, sako mot in toro pas mot melet ut.

Jems 1:26

Ra taio in nuki lena, i sa lingmulus na tene lotu, ikut, ra ke tumarong in karmene, i toro pasi ut, ma anun a lotu in utna oros kut.

Jems 3:2

Dat rop dat raro una susut na utna. Ikut, ra taio ke raro un tu utna una nun a wasiso, i ra i tokodos sakit, ma in pet lar pasi sur in ukodos pas anun a nilaun rop.

2 Pita 2:13

O God in balu anundet a kum sakino petutna nama laulau ino. Det gas kut ra det inum ma det sipak tuptupukus una waspi. Ra det kis tomo nam mot una kum inangon, ma det gas una nundet a kum torotoro na petutna, anundet a dur na petutna i ban umaimai mot.

1 Jon 1:10

Ra dat watungi lena, ka dat pam tar tu sakino petutna, dat watungi lena o God a tene torotoro, ma anun a wasiso ke kis ubalandat.

1 Jon 1:6

Ra dat watungi lena, dat lason tomo nam o God, ikut dat kis kut una dumirum, dat a kum tene torotoro, ma a lingmulusino ke kis un dat.

1 Jon 2:4

Ra taio i watungi lena, “A sa tasman o God,” ikut, ke mur anun a kum warkurai, i a tene torotoro, ma a lingmulusino ke kis uni.

1 Jon 4:20

Ra taio i watungi lena, “A nem o God,” ikut i nget o tisino, i a tene torotoro. Uni osi ra ke nem o tisino ra i tama i, ken nem lar pasi kai o God ra ke tama i.

2 Jon 1:2

Met nem mot kibino una lingmulusino ra kuri un dat, ma in kis tukum un dat.

3 Jon 1:3

A gas doko ra a ramano kum tistisin dat det wanpat, ma det wasiso puaso un ui lena, u mur a lingmulusino, ma anum a nilaun i elar nami.