1 Jon 1:6 - Nupela Testamen long tokples Kandas

⁶ Ra dat watungi lena, dat lason tomo nam o God, ikut dat kis kut una dumirum, dat a kum tene torotoro, ma a lingmulusino ke kis un dat.

1 Jon 1:6 ပူးပေါင်းရင်းမြစ်များ

Matiu 7:22

Una bung na warkurai a susut na taro, det in watungi tang lena, ‘Labino, Labino, met wasiso na poropet nama risam, ma met lakro ru a kum laulau na nion kai nama risam, ma met pam a susut na utna na ukisin nama risam.’

A Wakak na Wasiso un o Iesu Karisito o Jon i tumusi 11:10

Ikut ra taio i wanan una mirum in tutuka, uni kalako talapor.”

A Wakak na Wasiso un o Iesu Karisito o Jon i tumusi 12:35

O Iesu i watungi tandet lena, “A talapor ken kis suano i mo torom mot. Ra a talapor i kis utmakai torom mot, mot nan tuptupukus. Numur a dumirum in pulus bat mot. I ra i wanan una dumirum, ken tasmani lena in nan urai.

A Wakak na Wasiso un o Iesu Karisito o Jon i tumusi 12:46

A sa wanpat urin una rakrakon bual elar nama talapor, sur osi ra i nurnur un iau, ken kis una dumirum.

A Wakak na Wasiso un o Iesu Karisito o Jon i tumusi 8:12

O Iesu i wasiso melet torom a taro, ra i watungi lena, “Iau a talapor tagun a rakrakon bual. Osi ra i mur iau, in pam ukai a talapor na nilaun, ma ken nan melet una dumirum.”

A Wakak na Wasiso un o Iesu Karisito o Jon i tumusi 8:55

Mot, ka mot tasman o God, ikut iau, a tasmani. Ra an watungi lena ka tasmani, iau kai a tene torotoro elar nam mot. A tasman o God, ma a ser mur anun a wasiso.

1 Timoti 4:2

A kum etowo ri i wan tagitiro tan a kum tene torotoro, a taro ra ka det tama lele i mo a tokodos na petutna, uni a tokodos na ninunuk una nuknukin det i sa mat.

Jems 2:14

A kum tistising, in wakak pepetlai ra taio in watungi lena i nurnur, ikut ke pam tu wakak na pinapam? Pepetlai, a ngas na nurnur ra, in ulauni o awu?

Jems 2:16

ra taio tagun mot in watungi tano lena, “Un nan nama malmal, un emar ma un masur,” ikut, ra ken tabori nam tu utna ra i sibo suri, anun a wasiso ra in warut petlan o naro ra i sibo?

Jems 2:18

Ra taio kai in watungi lena, “Ui u nurnur, ma iau, a pam a kum wakak na pinapam.” Un upuaso anum a nurnur torom iau, ra ke wan tomo nama wakak na pinapam. Ra iau, an upuaso anung a nurnur tam, nam anung a kum wakak na pinapam.

1 Jon 1:10

Ra dat watungi lena, ka dat pam tar tu sakino petutna, dat watungi lena o God a tene torotoro, ma anun a wasiso ke kis ubalandat.

1 Jon 1:3

Met inanos mot un o naro ra met sa tama tari ma met sa longoro tari, sur dat in lason tomo, elar nam met, met lason tomo nama Tamandat, ma o Nutunu o Iesu Karisito.

1 Jon 1:8

Ra dat watungi lena, ka dat pam tar tu sakino petutna, dat toro melet pas dat ut, ma a lingmulusino ke kis un dat.

1 Jon 2:4

Ra taio i watungi lena, “A sa tasman o God,” ikut, ke mur anun a kum warkurai, i a tene torotoro, ma a lingmulusino ke kis uni.

1 Jon 4:20

Ra taio i watungi lena, “A nem o God,” ikut i nget o tisino, i a tene torotoro. Uni osi ra ke nem o tisino ra i tama i, ken nem lar pasi kai o God ra ke tama i.