Wuj Richin ri Rut 4:6 - Kaqchiquel Bible

⁶ Y toq ri ach'alalri'il xrak'axaj keri', xubij: Wi keri', más utz man ninloq' ta kan ri ulew, roma pa ruk'exel chi nok-qa wichin, xa nel chik kan pa nuq'a' y ri walk'ual xa man xtikichinaj ta kan re'. Más utz ninya' kan pan aq'a' chi ja rat kaloq'o ri ulew, roma yin man yitikir ta ninloq', xcha' ri ach'alalri'il.

Wuj Richin ri Rut 4:6 ပူးပေါင်းရင်းမြစ်များ

Wuj Richin ri Rut 3:13

Tak'owisaj k'a re jun tokoq'a' re' wawe' y toq xtiseqer-pe, xtinchojmirisaj. Wi rija' nrajo' chi nik'ule' awik'in, utz k'ari'; y wi man nrajo' ta, pa rubi' k'a ri Jehová, yin xkik'ule' awik'in. Wakami k'a, katuxlan y k'a nimaq'a' yabe, xcha' ri Booz chire.

Wuj Richin ri Chojmirisabelri'il 25:25

Wi k'o ta jun iwinaq ri nik'oje' pa meba'il y roma ri' nuk'ayij juba' rulew, ri rach'alal ri k'o más naqaj chire rija' k'o chi nuloq' kan ri nuk'ayij kan ri rach'alal.

Deut 25:7

Y wi ri achin man nrajo' ta nik'ule' rik'in ri rixnan, k'ari' ri rixnan nibe rik'in ri q'atbel-tzij y xtubij chike ri achi'a' ri k'o kiq'ij, chi ri rechan man nrajo' ta nuya' rijatzul pa rubi' ri ánima rach'alal. Roma ri' man nrajo' ta richin nik'ule' rik'in rija'.

Wuj Richin ri Rutikeribel 38:8

K'ari' ri Judá xubij chire ri Onán ri ruka'n ruk'ajol: Tak'ama-qa la rixjayil kan ri animal y kak'ule' rik'in, richin keri' tik'oje' rijatzul ri animal, xcha'.

Deut 25:8

K'ari' ri achi'a' ri k'o kiq'ij richin ri tinamit ri' xtikiteq royoxik ri achin ri' y xkech'on rik'in, y wi rija' man nrajo' ta nik'ule' rik'in ri rixnan,

Deut 25:9

ri ixoq xtijel-apo rik'in ri rechan chikiwech ri achi'a' ri k'o kiq'ij. Y chikiwech rije' chiri' chuchi' ri tinamit xtrelesaj jun ruxajab chiraqen ri rechan y xtuchubaj rupalej, y xtubij: Kere' xtiban chire ri achin ri man nrajo' ta richin nik'oje' rijatzul ri ánima rach'alal chuwech ri ruwach'ulew, xticha'.

Wuj Richin ri Rut 2:20

Y ri Noemí xubij k'a: Ja ta ri Dios xtiya'on rutzil pa ruwi' rija', roma janila utz ri najin chubanik qik'in roj ri k'a oj k'es na kan, y xa kan jun utzil chuqa' ri najin chubanik chike ri ánima taq qachijilal. Ri achin ri' xa kan qach'alal-wi, roma ri' kan yojruto' y tikirel chi nok jun kolonel qichin, xcha' ri Noemí chire ri Rut.

Wuj Richin ri Rut 3:9

Y ri Booz xuk'utuj achike rija'. Y ri ixoq xubij: Táta, ja yin in Rut. Y yin wetaman chi rat at jun rach'alal kan ri ánima wachijil, y roma ri' nink'utuj utzil chawe chi yak'ule' ta wik'in. Achi'el in rukuchun ri rutza'n ri aq'u', keri' ta ri to'onik ri xtaya' chuwe, xcha' ri Rut.