Wuj Richin ri Rut 4:4 - Kaqchiquel Bible

⁴ Y xinquqa' jebel chi ja rat ri ruk'amon chi yaloq'on kan ri ulew ri' chikiwech re achi'a' re', ri k'o kiq'ij chupan re qatinamit. Tabij chikiwech rije' wi nawajo' naloq' kan y wi man nawajo' ta kan taq'alajirisaj jumul, roma wi keri' kan ja yin ri xkiloq'on kan ri', roma yin kan in rach'alal kan chuqa' ri Elimélec, xcha' ri Booz. Y ri rach'alal xubij chi kan nuloq' kan ri ulew ri'.

Wuj Richin ri Rut 4:4 ပူးပေါင်းရင်းမြစ်များ

Filipenses 4:8

Wach'alal, pa ruk'isibel ninwajo' k'a ninnataj chiwe, chi ri ruk'amon nich'ob, ja ri qitzij, ri choj, ri ch'ajch'oj, ri jebel, ronojel ri k'o utzilej rutzijol, y ri kan ruk'amon richin niya'ox ruq'ij. Ronojel re' kan jare' ri tich'obo'.

2 Corintios 8:21

Roma roj man niqajo' ta k'a chi xaxe ta chuwech ri ajaw Dios niq'alajin-wi chi ronojel ri niqaben, kan pa ruch'ajch'ojil-wi. Xa kan niqajo' k'a chuqa' chi keri' ta niq'alajin chikiwech ri winaqi'.

Romanos 12:17

Wi k'o jun wineq ri k'o itzel nuben chiwe, man tiben itzel chire. Jantape' tik'uaj jun k'aslen utz chikiwech konojel winaqi'.

Wuj Richin ri Jeremías 32:25

Y man rik'in ri', rat Jehová xabij chuwe chi tinloq'o' kan re ulew re' rik'in saqipueq y chi yenk'en-pe ri xetz'eton ronojel, stape' ri tinamit xa nitzaq yan pa kiq'a' ri aj-Babilonia, xicha' chire ri Dios.

Wuj Richin ri Rutikeribel 23:18

Y chikiwech k'a konojel ri hitita ri ek'o chiri' chuchi' ri tinamit, y chikiwech ri winaqi' ri ye'el-ye'ok ri pa tinamit, toq ri ulew ri' xok kan pa ruq'a' ri Abraham.

Wuj Richin ri Rutikeribel 23:11

Wajaw, yin kan chikiwech k'a konojel re nuwinaq ninbij chi choj keri' ninya' kan chawe ri juba' ulew y chuqa' ri jul ri'. Tamuqu' k'a ri akaminaq chiri', xcha'.

Deut 25:8

K'ari' ri achi'a' ri k'o kiq'ij richin ri tinamit ri' xtikiteq royoxik ri achin ri' y xkech'on rik'in, y wi rija' man nrajo' ta nik'ule' rik'in ri rixnan,

Wuj Richin ri Rut 2:20

Y ri Noemí xubij k'a: Ja ta ri Dios xtiya'on rutzil pa ruwi' rija', roma janila utz ri najin chubanik qik'in roj ri k'a oj k'es na kan, y xa kan jun utzil chuqa' ri najin chubanik chike ri ánima taq qachijilal. Ri achin ri' xa kan qach'alal-wi, roma ri' kan yojruto' y tikirel chi nok jun kolonel qichin, xcha' ri Noemí chire ri Rut.

Wuj Richin ri Rut 3:9

Y ri Booz xuk'utuj achike rija'. Y ri ixoq xubij: Táta, ja yin in Rut. Y yin wetaman chi rat at jun rach'alal kan ri ánima wachijil, y roma ri' nink'utuj utzil chawe chi yak'ule' ta wik'in. Achi'el in rukuchun ri rutza'n ri aq'u', keri' ta ri to'onik ri xtaya' chuwe, xcha' ri Rut.

Wuj Richin ri Rut 3:12

Kan qitzij na wi chi yin in rach'alal kan ri awachijil, man rik'in ri', k'a k'o kan jun chik rach'alal ri más naqaj, y ja na rija' xtibin chi wi nrajo' nok awachijil y ato'onel.