Wuj Richin ri Rut 4:15 - Kaqchiquel Bible

¹⁵ Wakami ja rija' k'a ri xtikuquban ak'u'x, y ja rija' chuqa' xtilin awichin toq xkarijix. Y ri awali' qitzij chi janila yarupoqonaj; rija' kan más k'a rejqalen ke chuwech ek'o ta e wuqu' awal alaboni', xecha' chire ri Noemí.

Wuj Richin ri Rut 4:15 ပူးပေါင်းရင်းမြစ်များ

Wuj Richin Bix Chire ri Dios 55:22

Taya' pa ruq'a' ri Jehová ronojel ri ruk'ayewal ri k'aslen, y rija' xtuben chawe chi kow xkak'oje'; roma rija' man xtuya' ta q'ij chi ri choj ruk'aslen xtitzaq jumul.

Wuj Richin ri Isaías 46:4

Y kan keri' xtinben iwik'in k'a ja toq xkixrijix na, y toq xtibesaqir-pe ri rusumal-iwi' kan k'a xkixinto' na. Yin xibanon iwichin, kan k'a xkixinto' na, xkixinwilij y xkixinkol.

Wuj Richin ri Rutikeribel 45:11

Richin man xkixwayjan ta, xkixintzuq re wawe' y kan man jun ri achike ta xtik'atzin chiwe, roma k'a k'o na wo'o' juna' wayjal; keri' tibij chire ri nata' y keri' chuqa' tibij chike ri ek'o pan iwachoch, xcha'.

Wuj Richin Etamabel-Tzij 18:24

Ek'o achibil ek'o rik'in ri wineq toq utz rubanon y xeri' xa yebe; y ek'o juley chik achibil ri kan jebel kina'oj, kan más e utz chikiwech ri ach'alalri'il.

1 Sam 1:8

Jari' toq ri Elcaná nubij chire: Ana, ¿achike roma yatoq'? ¿Achike roma man yawa' ta? ¿Achike roma poqonatajineq ri awánima? ¿K'o ta k'a más rejqalen ek'o ta lajuj awal y man ta ink'o yin?, xcha' chire.

Wuj Richin ri Rutikeribel 47:12

Xerilij k'a konojel, ri rutata', ri rach'alal, konojel ri aj pa rachoch ri rutata' y konojel ak'uala'.

Wuj Richin ri Rut 4:16

Y jari' toq ri Noemí xberuk'ama-pe ri ak'ual, y xuch'elej k'a, y kan ja rija' ri xk'iytisan richin.

1 Sam 2:5

Ri pa nabey k'o ronojel kik'in, wakami xa xkiya-ki' pa qajik roma juba' kaxlan-wey. Y jak'a ri xewayjan, wakami man yewayjan ta chik. Ri ixoq ri man nik'oje' ta ral, wakami xek'oje' e wuqu' ral. Y ri xek'oje' janila ral wakami xa maneq chik ruchuq'a'.