Wuj Richin ri Rut 4:14 - Kaqchiquel Bible

¹⁴ Y jari' toq ri ixoqi' richin ri tinamit xkibij chire ri Noemí: Niqaya' ruq'ij ri Jehová roma xuya' jun awiy, ri xtichajin awichin y niqarayibej k'a chi xtok ta jun nimalej achin chiqakojol roj ri aj-Israel.

Wuj Richin ri Rut 4:14 ပူးပေါင်းရင်းမြစ်များ

San Lucas 1:58

Toq ri e rachk'uljay y ri e rach'alal xkak'axaj chi ri Dios xuya' ri rutzil pa ruwi' y xujoyowaj ruwech, kan janila xekikot rik'in.

1 Corintios 12:26

Roma ri' wi k'o jun ri niq'axo, yixq'axon chi'iwonojel; y wi k'o jun ri ninimirisex ruq'ij, yixkikot chi'iwonojel.

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

2 Tesalonicenses 1:3

Qach'alal, roj kan beneq-ruwech k'o chi yojmatioxin chire ri Dios iwoma rix. Y kan ruk'amon chi keri' niqaben, roma rix q'ij-q'ij ikuquban-pe más ik'u'x rik'in ri Dios, y kan más niwajowala-iwi'.

1 Tesalonicenses 5:18

Kixmatioxin chire ri Dios toq utz ixk'o, y toq ixk'o pa jun ruk'ayewal, roma keri' nrajo' ri Dios chi niben rix ri ix richin chik ri Cristo Jesús.

Romanos 12:15

Kixkikot kik'in ri yekikot, y kixoq' kik'in ri ye'oq'.

Wuj Richin ri Rutikeribel 29:35

Y toq ri Lea xyawej pa rukaj mul, ri ak'ual ri xalex xubini'aj Judá. Y re bi'aj re' nel chi tzij xtinya' ruq'ij. Y chuqa' xubij: Wakami xtinya' ruq'ij ri Jehová, xcha'. Y rija' xtane' chi alanik.

Wuj Richin ri Rutikeribel 24:27

y xubij: Nim aq'ij-ak'ojlen rat Jehová ru-Dios ri wajaw Abraham y at nu-Dios chuqa' yin, rat janila xajoyowaj ruwech ri wajaw y xaben ri xasuj chire y chuqa' xak'ut ri bey chinuwech yin chi choj xinoqaqa-el pa kachoch ri rach'alal ri wajaw, xcha'.