Wuj Richin ri Rut 4:12 - Kaqchiquel Bible

¹² Ri Jehová kan ta xtuben chi ri awalk'ual ri xkek'oje' rik'in ri ixoq ri', xke'ok ta nima'q y xtik'oje' ta janila kitzijol, achi'el xe'ok ri rijatzul ri Fares, ri xalk'ualex roma ri Judá rik'in ri Tamar, xecha'.

Wuj Richin ri Rut 4:12 ပူးပေါင်းရင်းမြစ်များ

Wuj Richin ri Rutikeribel 38:29

Jak'a ri ak'ual xa xujik' chik apo ri ruq'a', y xa ja chik ri rach'alal ri xalex nabey. Roma ri' ri k'exelo'n xubij chire, achike rubanik xaben richin chi xajeq-pe abey. Y roma ri' Fares xubini'aj ri ak'ual ri'.

1 Crón 2:4

Ri Tamar, ri rali' ri Judá, xek'oje' ka'i' ral, ri jun xubini'aj Fares y ri jun chik xubini'aj Zérah. Konojel k'a ri e ruk'ajol kan ri Judá e wo'o'.

1 Sam 2:20

Y ri sacerdote Elí xuya' ruq'a' pa kiwi' ri Ana y ri Elcaná y xubij: Ja ri Jehová xtuya' más awalk'ual rik'in re ixoq re', pa ruk'exel ri jun ri xiya-pe pa rachoch rija', xcha'. Y k'ari' rije' xetzolin-el pa kachoch.

San Mateo 1:3

Ri Judá y ri Tamar xekalk'ualaj ri Fares y ri Zeráh, y ri Fares xralk'ualaj ri Hesrón, y ri Hesrón xralk'ualaj ri Aram.

Wuj Richin ri Rutikeribel 46:12

Y ri e ralk'ual ri Judá, je ri Er, ri Onán, ri Selá, ri Fares y ri Zérah; ri Er y ri Onán xeken k'a kan chupan ri ruwach'ulew Canaán. Y ri ralk'ual ri Fares ja ri Jezrón y Jamul.

Wuj Richin ri Rut 4:18

Jare' k'a ri e rati't-rumama' ri David: Ri Isaí, ri Obed, ri Booz, ri Salmón, ri Nahasón, ri Aminadab, ri Hesrón y ri Fares.

Wuj Richin ri Malaquías 2:15

Ja ri Dios xbanon iwichin rix y ri iwixjayilal richin xa jun xiben, y chuqa' xa jun espíritu. ¿Achike kami roma xuben? Richin nik'iyer ri iwijatzul ri kan ch'aron chire rija'. Roma ri' kan tichajij-iwi', y man tiq'ol ri iwixjayil ri achoq ik'in xixk'ule-wi toq k'a ix alaboni' na.