Wuj Richin ri Rut 4:1 - Kaqchiquel Bible

¹ Toq xpaq'ijer k'a q'anej, jari' toq ri Booz xbetz'uye' chuchi' ri tinamit ri akuchi nikimol-wi-ki' ri winaqi'. Y xq'ax k'a el keri' ri ach'alalri'il ri achoq pa ruwi' ch'owineq-wi y ri Booz xubij k'a chire ri achin ri': Táta, katanpe na juba' wawe' y katz'uye' wik'in, xcha' chire. Y ri achin ri' kan xpe k'a y xtz'uye' rik'in.

Wuj Richin ri Rut 4:1 ပူးပေါင်းရင်းမြစ်များ

Wuj Richin ri Rut 3:12

Kan qitzij na wi chi yin in rach'alal kan ri awachijil, man rik'in ri', k'a k'o kan jun chik rach'alal ri más naqaj, y ja na rija' xtibin chi wi nrajo' nok awachijil y ato'onel.

Deut 25:7

Y wi ri achin man nrajo' ta nik'ule' rik'in ri rixnan, k'ari' ri rixnan nibe rik'in ri q'atbel-tzij y xtubij chike ri achi'a' ri k'o kiq'ij, chi ri rechan man nrajo' ta nuya' rijatzul pa rubi' ri ánima rach'alal. Roma ri' man nrajo' ta richin nik'ule' rik'in rija'.

Deut 16:18

Kan ke'ikanola' k'a to'onela' y samajela' richin ri tinamit, richin nikiq'et-tzij pa ruwi' chijun ri ruwach'ulew ri xtibeya'ox chiwe chi'ijujunal ri tzobaj, richin keri' yixbiyin rik'in ruchojmilal.

Am 5:15

Rix ri ix rijatzul kan ri José, tiwixowaj ri itzel y tiwajo' ri utz. Kan tik'oje' ruchojmilal chikiwech ri to'onela'. Wi keri' xtiben, rik'in juba' xtinjoyowaj iwech yin Jehová ri Dios ri k'o ronojel uchuq'a' wik'in ri yibin.

Wuj Richin ri Achin Job 31:21

Yin kan man jun k'a ri welesan ta chuwi-kiq'a' ri xa maneq chik kite-kitata', stape' kan wetaman chi kan yinkito' ri yeq'aton-tzij chiri' pan okibel richin ri tinamit.

Wuj Richin ri Achin Job 29:7

Noqaqa chinuk'u'x ri q'ij toq yin yibe k'a richin ninq'et-tzij, chiri' pan okibel richin ri tinamit.

Deut 21:19

ri te'ej-tata'aj k'o chi nikichirirej-el ri kalk'ual chikiwech ri achi'a' ri k'o kiq'ij chiri' chuchi' ri tinamit.

Wuj Richin ri Zacarías 2:6

Ri Jehová nubij chi kixanimej-pe ri pa ruwach'ulew ri k'o pa xaman, ri akuchi ixintalun-wi-el.

Wuj Richin ri Isaías 55:1

Iwonojel rix ri janila chaqi'j ichi', kixanpe richin tiqumu' iya'. Y rix ri maneq iméro, kixanpe, kixloq'on y kixwa'. Kixanpe, kixloq'on stape' maneq iméro, y kan maneq rajel ri vino y ri leche.

Deut 17:5

kan tuk'uex k'a chuchi' ri tinamit ri achike xbanon ri itzel banobel ri', y chiri' k'a tikamisex chi abej.

Wuj Richin ri Rutikeribel 23:10

Y ri Efrón tz'uyul k'a chikikojol ri ruwinaq, ri akuchi yetz'uye-wi ri nima'q taq achi'a' ri chuchi' ri tinamit; y chikiwech k'a konojel ri ek'o chiri', xubij chire ri Abraham:

Wuj Richin ri Rutikeribel 34:20

Y roma ri' ri Hamor y ri ruk'ajol xepe chuchi' ri tinamit richin xech'on kik'in konojel achi'a' ri ek'o chiri', y xkibij chike:

Wuj Richin ri Josúe 20:4

Ri wineq ri niberuto-ri' chiri', napon k'a chuchi' ri tinamit y chiri' niberuq'alajirisaj chikiwech ri aj-raqen richin ri tinamit ri achike roma animajineq-el. Y rije' xtikiya' q'ij richin nok-apo, y xtik'oje-qa chiri' pa tinamit richin tobel.

Wuj Richin ri Rut 3:18

K'ari' ri Noemí xubij: Wakami k'a wali', tawoyobej achike xtibanatej; yin wetaman chi ri Booz man xtuxlan ta re wakami k'a toq ruchojmirisan na ronojel, xcha'.

2 Sam 15:2

Y rija' ronojel k'a q'ij nimaq'a' yan niyakatej, y nik'oje' chuxikin ri bey ri nok-apo pa tinamit Jerusalem. Y nuk'utuj k'a chike ri winaqi' ri yeq'ax wi ye'apon rik'in ri rey richin jun ch'ojikil, o richin nuq'et-tzij pa kiwi'. Y nuk'utuj k'a chike akuchi kepe-wi. Y wi nubij chi chupan jun chike ri tzobaj richin ri Israel ri k'o pa xaman,

2 Crón 18:9

Y ri Acab y ri Josafat rey richin Judá e tz'uyul pa kich'akat y kikusan ri kitziaq richin rey, chiri' akuchi niban-wi molojri'il chuwech-apo ri ruchi' ri tinamit Samaria, y konojel k'a ri e q'alajirisey ruch'abel ri ki-dios kan ye'ajin nikik'ul ri achi'el achik' chikiwech ri e ka'i' rey ri'.

Wuj Richin Bix Chire ri Dios 69:12

Ri winaqi' ri yetz'uye' chuchi' ri tinamit, yech'on itzel chuwij, y ri q'abarela' yinkiyojobej rik'in ri kibix.

Wuj Richin Etamabel-Tzij 31:23

Ri rachijil rija' kan nuk'ul ruq'ij, koma ri molaj achi'a' ri yeya'on ruchojmilal chike ri winaqi'; keri' niban chire ri rachijil, toq nitz'uye' chikikojol ri rijita'q achi'a' ri kan k'o kiq'ij chiri' pa kiruwach'ulew.

Wuj Richin ri Jeremías 32:10

Xban ka'i' ruwujil ri wulew y xintz'ibaj ri nubi' chupan. Chuqa' ri xetz'eton ronojel re' xkitz'ibaj kibi' chupan y k'ari' xya'ox retal. Y chirij ri' k'ari' xinwetaj ri saqipueq pa jun etabel.

Wuj Richin ri Rutikeribel 19:1

Y toq xqaq'ij yan qa ri q'ij ri', kere' k'a ri xbanatej: Ri e ka'i' ángel xe'apon k'a qa ri chiri' pa Sodoma, y ri Lot tz'uyul chiri' pan okibel richin ri tinamit Sodoma. Y toq rija' xerutz'et, xyakatej richin xeberuk'ulu' y xxuke' y xuqasaj-qa-ri' k'a pan ulew chikiwech.