Wuj Richin ri Rut 3:7 - Kaqchiquel Bible

⁷ Toq ri Booz xwa-xuk'ya' yan, kan janila k'a nikikot y k'ari' xbe-apo chuxikin ri cebada y chiri' xkotz'e-wi-qa y xuchop k'a waran. K'ari' ri Rut man niq'ajan ta xjel-apo ri akuchi kotz'ol-wi ri Booz, xupek-q'anej ri ruq'u' ri chiraqen-qa y xkotz'e-qa chiri'.

Wuj Richin ri Rut 3:7 ပူးပေါင်းရင်းမြစ်များ

Wuj Richin ri Rutikeribel 43:34

Y ri José xujech k'a ri kiq'utun ri rach'alal y kan ja ri nutej rija' jari' ri xuya' chike; jak'a ri Benjamín xuya' wo'o' mul más k'iy ke chuwech ri xuya' chike ri ch'aqa' chik. Rija' y ri e rach'alal junan k'a xkiqum vino y janila xekikot chupan ri q'ij ri'.

2 Sam 13:28

Y ri Absalón xubij chike ri e rusamajela' chi toq xtikitz'et chi ri ránima ri Amnón kan nikikot roma ri vino; y toq rija' xtubij chi tikikamisaj, kan jari' xtikikamisaj, y man tikixibij-ki', roma ja rija' ri xbin. Y xubij chuqa' chi tikitija' kiq'ij richin nikiben, y man tikixibij-ki'.

1 Rey 21:7

Ri Jezabel xubij chire: ¿Rat ri at rey richin Israel y man yatikir ta nachojmirisaj re'? Kayakatej k'a, kawa' y kakikot, roma kan ja yin xkijacho chawe ri rulew ri Nabot ri aj-Jezreel, xcha'.

Ester 1:10

Toq xapon ri ruwuq q'ij, ri rey kan janila nikikot ri ránima roma k'iy vino ruqumun-qa, y roma ri' xeroyoj ri e wuqu' rusamajela' eunuco*f1* ri kibini'an Mehumán, ri Biztá, ri Harboná, ri Bigtá, ri Abagtá, ri Zetar y ri Carcás, y xubij chike chi

Wuj Richin Bix Chire ri Dios 104:15

naben chi k'o ri vino ri nibanon chi nikikot ri ránima ri wineq; ri aceite ri nibanon chi jebel nitzu'un ri wineq; keri' chuqa' ri wey ri chapayon richin.

Wuj Richin ri Molojri'il 10:19

Jun nimaq'ij niban richin nuk'en-pe kikoten, ri vino niqum richin nik'ases ri kik'aslen ri k'a e k'es na, y ronojel re' kan ja ri méro ri nibanon.

Wuj Richin ri Molojri'il 2:24

Ri más jebel chire ri achin ja ri nutej, nuqum y kan nikikot ránima rik'in ri nuk'ul rik'in ri rusamaj ri rubanon. Y re' kan nuben chuwe chi kan niq'ax chinuwech chi jare' ri rurayibel ri Dios chire ri wineq.

Wuj Richin ri Molojri'il 8:15

Roma ri' chinuwech yin kan janila rejqalen ri kikoten. Y ri niya'on ri kikoten chire ri wineq ja ri k'o nutej y k'o nuqum, y re kikoten re' jare' ri nuch'ek roma ri rusamaj richin ronojel q'ij chire ri ruk'aslen, rokik ri Dios ruya'on ruk'aslen chuwech ri ruwach'ulew.

Wuj Richin ri Molojri'il 9:7

Rokik k'a at k'es na, kan tatija' ri akaxlan-way. Taqumu' ri a-vino rik'in kikoten roma ri Dios kan nuya' rutzil pan awi' roma ri asamaj.

1 Corintios 10:31

Roma ri' yin ninbij chiwe chi toq yixwa-yixuk'ya' o xabachike chik ri niben, kan tibana' k'a richin niya' ruq'ij-ruk'ojlen ri Dios.

Efesios 5:18

Man kixq'aber, roma ruyon itzel nuk'en-pe chiwe. Pa ruk'exel ri' tiya' q'ij chire ri Loq'olej Espíritu chi yixruyuqej.

Wuj Kichin ri To'onela' 19:22

Y toq janila yekikot ek'o chiri', jari' toq e k'iy achi'a' richin ri tinamit ri' xkisutij-rij ri jay, y nikitarila-apo ri ruchi' ri jay y xech'on apo chire ri ti achin y xkibij: Tawelesaj-pe ri achin ri xok apo pan awachoch, richin yojk'oje' rik'in, xecha'. Keri' xkibij roma re achi'a' re' kan e banoy etzelal.

Wuj Kichin ri To'onela' 19:6

Y xetz'uye' k'a junan rik'in ri rujinan richin xewa-xe'uk'ya'. K'ari' ri rujinan xubij chire ri ruji': Yin nink'utuj jun utzil chawe richin naq'axaj ta re jun chik aq'a' re' wawe' y xtikikot k'a ri awánima, xcha'.

Wuj Kichin ri To'onela' 19:9

Chirij ri', ri levita, ri ru-concubina y ri rusamajel xkichojmirisaj-ki' richin yebe. Y jari' toq jun bey chik ri rujinan xubij chire: Wakami xa tiqaq'ij chik y nok yan pe ri aq'a'. Nink'utuj utzil chawe chi kixk'oje' chik qa re aq'a' re', richin chi nikikot ri awánima; y nimaq'a' yan chua'q, xtichop-el bey y yixbe chi'iwachoch, xcha'.

Wuj Richin ri Rut 3:6

Y ri Rut xbe k'a y kan xuben k'a ronojel ri rubin-el ri ralite' chire.

Wuj Richin ri Rut 3:8

Y pa taq nik'aj-aq'a' la'eq ri' ri Booz xrikiro', xuna' ruwech y xupiskolij-ri' y jari' toq xutz'et chi k'o jun ixoq ri kotz'ol ri chiraqen-qa.