Wuj Richin ri Rut 3:15 - Kaqchiquel Bible

¹⁵ Chuqa' xubij chire ri Rut: Tarik'a-qa pan ulew la peraj tzieq la aq'un, xcha'. Y ri Rut kan xuben k'a ri xbix chire, y ri Booz xuya-el jubama ka'i' arroba cebada chire. Y k'ari' xuyek-el richin chi xtzolej pa tinamit.

Wuj Richin ri Rut 3:15 ပူးပေါင်းရင်းမြစ်များ

Gálatas 6:10

Y toq niqatz'et xabachike wineq ri k'o nik'atzin chire, kan tiqato' k'a. Jak'a kan nik'atzin chi yeqato' más ri e qach'alal chik.

Wuj Richin ri Isaías 32:8

Jak'a ri wineq ri utz, kan utz yeruch'obola', y rik'in utzilej rubanobal, kan xtinimirisex ri ruq'ij.

Wuj Richin ri Rut 3:14

Y keri' xwer chik k'a qa chiraqen ri Booz y k'a q'equ'm na k'a toq xyakatej-el, richin chi man jun nitz'eton-el, roma ri Booz xubij chi man jun tetaman chi xk'oje' jun ixoq chiri'.

Wuj Richin ri Rut 3:16

Y toq xapon rik'in ri ralite', ri ralite' xuk'utuj chire: ¿Achike xbanatej, wal yin?, xcha'. Y ri Rut xutzijoj k'a ronojel ri achike xubij ri Booz chire.