Wuj Richin ri Rut 3:14 - Kaqchiquel Bible

¹⁴ Y keri' xwer chik k'a qa chiraqen ri Booz y k'a q'equ'm na k'a toq xyakatej-el, richin chi man jun nitz'eton-el, roma ri Booz xubij chi man jun tetaman chi xk'oje' jun ixoq chiri'.

Wuj Richin ri Rut 3:14 ပူးပေါင်းရင်းမြစ်များ

2 Corintios 8:21

Roma roj man niqajo' ta k'a chi xaxe ta chuwech ri ajaw Dios niq'alajin-wi chi ronojel ri niqaben, kan pa ruch'ajch'ojil-wi. Xa kan niqajo' k'a chuqa' chi keri' ta niq'alajin chikiwech ri winaqi'.

Romanos 14:16

Man tiqaya' q'ij chi yech'on itzel chiqij, stape' ruk'amon ri niqaben.

1 Pedro 2:12

Roma ri' kan tik'uaj jun k'aslen utz, y choj chikikojol ri winaqi' ri man ketaman ta ruwech ri Dios. Richin chi stape' nikimol-pe tzij chiwij chi man utz ta ri ik'aslen, toq xtapon ri q'ij chi ri Dios nuq'et-tzij ri winaqi' ri' xtikiya' ruq'ij-ruk'ojlen ri Dios roma ri utzilej ibanobal rix.

1 Corintios 10:32

Y man tiben chike ri winaqi' chi nikimalij kik'u'x y yetzaq; ni chike ri molaj qach'alal judío, ni ri molaj qach'alal aj-Grecia, y ni chike xabachike ri e ralk'ual chik ri Dios.

1 Tesalonicenses 5:22

Jak'a chire ronojel ruwech etzelal, kan tijech'ej-iwi' rik'in.

Romanos 12:17

Wi k'o jun wineq ri k'o itzel nuben chiwe, man tiben itzel chire. Jantape' tik'uaj jun k'aslen utz chikiwech konojel winaqi'.

Wuj Richin ri Molojri'il 7:1

Más rejqalen ri etaman awech chi at jebel, ke chuwech nakusaj jun jubulej aq'om. Más k'a rejqalen ri q'ij richin ri kamik, ke chuwech ri q'ij richin alaxik.

Wuj Richin ri Rut 3:15

Chuqa' xubij chire ri Rut: Tarik'a-qa pan ulew la peraj tzieq la aq'un, xcha'. Y ri Rut kan xuben k'a ri xbix chire, y ri Booz xuya-el jubama ka'i' arroba cebada chire. Y k'ari' xuyek-el richin chi xtzolej pa tinamit.