Wuj Richin ri Rut 3:13 - Kaqchiquel Bible

¹³ Tak'owisaj k'a re jun tokoq'a' re' wawe' y toq xtiseqer-pe, xtinchojmirisaj. Wi rija' nrajo' chi nik'ule' awik'in, utz k'ari'; y wi man nrajo' ta, pa rubi' k'a ri Jehová, yin xkik'ule' awik'in. Wakami k'a, katuxlan y k'a nimaq'a' yabe, xcha' ri Booz chire.

Wuj Richin ri Rut 3:13 ပူးပေါင်းရင်းမြစ်များ

Wuj Richin ri Jeremías 4:2

Y wi rix niya' itzij pa nubi' yin rik'in qitzijri'il y ruchojmilal. Jari' toq yin xtinya' urtisanik y ruwaq'ijaj pa kiwi' ch'aqa' chik ruwach'ulew iwoma rix.

Wuj Richin ri Rut 4:5

Y xeri' ri Booz xubij chuqa' chire ri rach'alal: Chupan ri q'ij toq rat xtaloq' kan ri ulew chire ri Noemí, chuqa' ja q'ij ri' nik'atzin chi yak'ule' rik'in ri Rut ri aj-Moab, ri malkawineq kan, richin keri' man nik'is ta qa ri rubi' ri ánima Elimélec pa ruwi' ri rulew, xcha'.

Wuj Richin ri Rut 2:20

Y ri Noemí xubij k'a: Ja ta ri Dios xtiya'on rutzil pa ruwi' rija', roma janila utz ri najin chubanik qik'in roj ri k'a oj k'es na kan, y xa kan jun utzil chuqa' ri najin chubanik chike ri ánima taq qachijilal. Ri achin ri' xa kan qach'alal-wi, roma ri' kan yojruto' y tikirel chi nok jun kolonel qichin, xcha' ri Noemí chire ri Rut.

Hebreos 6:16

Ri winaqi', nikiya' kitzij pa rubi' jun ri más nim chikiwech rije' y rik'in ri' kenimex y man jun chik tibix chike.

Wuj Kichin ri To'onela' 8:19

Y rija' xubij chike: ¡Ri' kan e wach'alal, kan e ral wi ri nte'! Chuwech ri Jehová ninbij, wi rix man ta xe'ikamisaj, yin chuqa' man ta yixinkamisaj, xcha'.

2 Corintios 1:23

Ninwajo' chi rix niwetamaj achike roma man in apowineq ta iwik'in. Xa roma k'a man xinwajo' ta chi xibech'on kow iwik'in. Ri Dios retaman chi kan qitzij ri ninbij chiwe.

Wuj Richin ri Rut 3:12

Kan qitzij na wi chi yin in rach'alal kan ri awachijil, man rik'in ri', k'a k'o kan jun chik rach'alal ri más naqaj, y ja na rija' xtibin chi wi nrajo' nok awachijil y ato'onel.

Wuj Richin ri Jeremías 12:16

Jak'a rije' ri xek'utu chikiwech ri nuwinaq richin nikiya' kitzij chuwech ri Baal. Jak'a re wakami rije' k'o chi niketamaj kik'in ri nuwinaq richin nikiya' nuq'ij yin y nikiya' kitzij pa nubi' yin. Wi nikiben kere', kan xkejike' chikikojol ri nuwinaq.

Wuj Richin ri Rut 4:6

Y toq ri ach'alalri'il xrak'axaj keri', xubij: Wi keri', más utz man ninloq' ta kan ri ulew, roma pa ruk'exel chi nok-qa wichin, xa nel chik kan pa nuq'a' y ri walk'ual xa man xtikichinaj ta kan re'. Más utz ninya' kan pan aq'a' chi ja rat kaloq'o ri ulew, roma yin man yitikir ta ninloq', xcha' ri ach'alalri'il.