Wuj Richin ri Rut 2:7 - Kaqchiquel Bible

⁷ Rija' xuk'utuj utzil chuwe chi ninya' q'ij chire richin nipich'olin juba' wawe' y nitzeqe' chikij ri q'atonela'. Kan nimaq'a' okineq-pe y jala' k'a k'o na wakami; xa juba' ok uxlawineq, xcha' ri samajel chire ri Booz.

Wuj Richin ri Rut 2:7 ပူးပေါင်းရင်းမြစ်များ

Wuj Richin Etamabel-Tzij 22:29

Wi rat awetaman ruwech jun wineq ri kan jebel nisamej pa rusamaj rija', ri wineq ri' kan tikirel chire chi nibesamej kik'in ri e rey, y man kik'in ta xabachike winaqi' nril-wi rusamaj.

Wuj Richin Etamabel-Tzij 18:23

Ri wineq ri kan man jun ok k'o rik'in, kan nikamela'an toq nuk'utuj jun utzil; jak'a ri wineq beyom toq nrak'axaj ri', kan rik'in kowilej taq ch'abel nich'on-pe rik'in.

Wuj Richin Etamabel-Tzij 15:33

Ri rukiy ri Jehová chuwech ri wineq, kan jari' ri nik'utun ri na'oj chuwech; roma ri wineq k'o chi nuqasaj-ri' chuwech ri Dios nabey, richin nik'oje' ruq'ij.

Wuj Richin Etamabel-Tzij 13:4

Ri wineq janila q'or xaxe choj nurayij y man jun nuben, roma ri' man jun nril pa ruk'aslen; jak'a ri wineq ri kan k'o nurayij y kan kow nisamej, nibe pa jotol.

Efesios 5:21

Kan tinimaj k'a itzij chi iwachibil-qa-iwi', richin niya' ruq'ij ri Cristo.

Wuj Richin ri Molojri'il 9:10

Y ronojel k'a ri natz'et richin chi niban, kan tabana' k'a, roma chupan ri jul ri akuchi xkabemuq-wi kan, xa maneq chik samaj, maneq chik ch'obonik, maneq chik retamaxik más etamabel, ni retamaxik na'oj.

Gálatas 6:9

Roma ri' man k'a qojkos chubanik ri utz, y man niqaya' kan rubanik. Wi keri' xtiqaben-apo, kan xtiqak'ul rajel-ruk'exel toq xtapon ri q'ij.

Romanos 12:11

Kan kixok k'a mitij chubanik ri samaj y man kixq'oran, kan tisamajij ri Dios rik'in ronojel iwánima.

San Mateo 5:3

Jebel ruwa-kiq'ij ri noqaqa chikik'u'x chi kan nik'atzin ri Dios chupan ri kik'aslen, roma rije' kan ye'ok-wi chupan ri aj-chikajil ajawaren.

Wuj Richin ri Rut 2:2

Y k'o k'a jun q'ij ri Rut xubij chire ri ralite': Tabana' utzil, taya' q'ij chuwe richin chi yibe pa juyu', richin yibepich'olin pa rulew ri xtijoyowan nuwech, xcha'. Y ri Noemí xuya' k'a el q'ij chire.

Wuj Richin ri Rut 2:6

Y ri samajel xubij chire: Ja k'a xten la' ri aj-Moab ri peteneq rik'in ri Noemí.

Wuj Richin ri Rut 2:8

K'ari' ri Booz xch'on rik'in ri Rut y xubij chire: Nána, kan kinawak'axaj k'a, man kabe juk'an chik ulew richin yabepich'olin, xa kak'oje' wawe'. Tatunu-apo awi' kik'in la waj-ik' ixoqi'.

Wuj Richin ri Rut 2:21

Y ri Rut xubij: Ri achin ri' xubij chuqa' chuwe chi utz chi yitzeqe' chikij ri raj-ik'a' ixoqi' y keri' ninben k'a toq xtik'is na ri q'atoj, xcha'.