Wuj Richin ri Rut 2:4 - Kaqchiquel Bible

⁴ Y toq ri Rut najin nipich'olin, xapon k'a ri Booz ri peteneq pa Belén, y xubij chike ri rusamajela': Ja ri Jehová xtik'oje' iwik'in, xcha'. Y ri rusamajela' xkiq'ejela' chuqa'.

Wuj Richin ri Rut 2:4 ပူးပေါင်းရင်းမြစ်များ

2 Tesalonicenses 3:16

Qach'alal, ri Jesucristo ri niya'on uxlanen, xtuya' ta k'a uxlanen pa taq iwánima richin jantape', chupan xabachike ri nik'uluwachij. Y xtik'oje' ta k'a iwik'in chi'iwonojel.

San Lucas 1:28

Ri ángel kan xapon rik'in ri xten, y xubij chire: ¡Tikikot k'a ri awánima, roma yalan xaqa' chuwech ri Dios! Ri ajaw kan k'o awik'in. Y chike konojel ri ixoqi' ja rat ri más utz ruwa-aq'ij, xcha'.

Wuj Kichin ri To'onela' 6:12

Ri ángel ri' xuk'ut-ri' chuwech y xubij chire: Ri Jehová kan k'o awik'in. Rat kan at jun achin richin labal ri kan maneq xibinri'il chawech, xcha' chire.

2 Timoteo 4:22

Ri ajaw Jesucristo xtik'oje' pan awánima rat. Y chi'iwonojel ri ixk'o chiri' xtik'oje' ta k'a ri rutzil ri Dios iwik'in. Kan keri' ta k'a.

Wuj Richin Bix Chire ri Dios 118:26

Nimalej k'a ruq'ij ri rey ri peteneq pa rubi' ri Jehová. Y chuqa' kan k'a pa rachoch ri Jehová niqoyoj ri urtisanik pan iwi' rix qawinaq.

Wuj Richin ri Rut 4:11

Y konojel k'a ri winaqi' ri ek'o chiri' ri e kachibilan ri achi'a' ri k'o kiq'ij, xkibij: Qitzij, roj xqatz'et ronojel re'. Ja ri Jehová xtiya'on ri urtisanik pa ruwi' ri ixoq ri xtapon pan awachoch y chuqa' xtik'oje' ta k'iy awalk'ual rik'in achi'el xuben chike ri Raquel y ri Lea, ri oj kiy-kimam kan roj. Y rat Booz kan ta xkatok jun nimalej tata'aj chikikojol ri e rijatzul kan ri Efrata, wawe' pa Belén.

Wuj Richin ri Josúe 24:15

Wi man niqa' ta chiwech nisamajij ri Jehová, kan ticha' k'a wakami ri achike ri nisamajij; wi ja ri dios ri xkisamajij ri qate-qatata' toq xek'oje' ri juk'an chik chire ri raqen-ya' Éufrates, o ja ri ki-dios ri amorreo ri akuchi ixk'o-wi wakami. Jak'a yin y ri e aj pa wachoch kan ja k'a ri Jehová ri xtiqasamajij, xcha'.

Wuj Richin ri Rutikeribel 18:19

Kan q'alaj chik chinuwech chi rija' kan xtuk'ut kan chikiwech konojel ri ralk'ual y ri rijatzul chi k'o chi nikitaqej ri niqa' chinuwech yin, roma rije' k'o chi pa ruchojmilal xtikiben ronojel y jebel chuqa' ruchojmirisaxik xtikiben chike ri yebanatej, richin keri' yin Jehová xtinya' ronojel ri nusujun chire ri Abraham, xcha-qa.

1 Timoteo 6:2

Y wi yesamej rik'in jun wineq ri rutzeqeliben ri Cristo, man k'a tikibij chi man ta nikiya' ruq'ij, xaxe roma kach'alal chik ki'. Pa ruk'exel ri' kan tikiya' ruq'ij y más jebel tikisamajij, roma kan ja ri kach'alal, ri junan kikuquban kik'u'x rik'in ri Cristo ri nikisamajij. Rat Timoteo, ninbij chawe chi ke'atijoj y tabij chike ri qach'alal chi tikibana' ronojel re'.

Wuj Richin ri Rut 2:3

Ri Rut xbe k'a richin nibepich'olin. Y toq xapon pa jun ulew akuchi niq'at-wi cebada, xuchop nipich'olin chiri' kik'in ri yesamej; y ri akuchi xbepich'olin-wi, xa richin ajk'a ri Booz, ri rach'alal kan ri ánima Elimélec.

Wuj Richin ri Rut 2:5

Xeri' ri Booz xubij chire jun rusamajel ri k'o pa kiwi' konojel ri samajela': ¿Achike k'a xten la k'o chila'?, xcha'.

Wuj Richin ri Rutikeribel 28:3

Y ri Dios ri nitikir nuben ronojel, jari' ri xturtisan awichin y xtuben k'a chi xkewinaqir ri awijatzul y koma ri awijatzul kan janila chi tinamit xke'el awik'in.

Wuj Richin ri Q'axanri'il 6:24

Ja ri Jehová xturtisan y xtichajin iwichin.

Wuj Kichin ri To'onela' 6:16

Ri Jehová xubij chire: Yin kan xkik'oje' awik'in, y rat kan xkach'akon chikij ri aj-Madián, achi'el xa ta xaxe rik'in jun achin ri naben-wi oyowal, xcha'.

1 Sam 17:37

Ri Jehová kan in ruto'on pa kiq'a' ri koj y ri oso, kan keri' chuqa' xkiruto' pa ruq'a' la achin la', xcha'. K'ari' ri Saúl xubij chire chi tibe, y kan ja ri Jehová xtito'on richin.

1 Crón 2:51

ri Salmá, ri rutata' ri Belén; y ri Haref, ri rutata' ri Bet-gader.

Wuj Richin Bix Chire ri Dios 134:3

Tik'utuj chire ri Jehová, ri xbanon ri kaj y ri ruwach'ulew, chi xkixrurtisaj k'a pe chupan ri juyu' Sión.

Wuj Richin ri Jeremías 31:23

Yin Jehová ri k'o ronojel uchuq'a' pa nuq'a' y roma ri' ninbij chi toq yin xtinjel ri rubanik ri kik'aslen ri winaqi' ri ek'o pa tinamit Judá, jari' toq rije' xkek'oje' chik jun bey pa kiruwach'ulew y pa taq kitinamit. Y xkech'on wik'in y xtikik'utuj chuwe chi yin xtinwurtisaj ri wachoch ri k'o pa ruwi' re juyu' re'.