Wuj Richin ri Rut 2:22 - Kaqchiquel Bible

²² K'ari' ri Noemí xubij chire ri Rut: Kan utz ri junan yabe kik'in ri aj-ik'a' ixoqi', richin man yabe ta pa jun chik ulew, y keri' man jun yanaqon, xcha'.

Wuj Richin ri Rut 2:22 ပူးပေါင်းရင်းမြစ်များ

Wuj Richin ri Nimalej Bix 1:8

Wi rat man awetaman ta, rat ri kan janila at jebel ok chikikojol ri ixoqi', tatzeqelibej-el ri retal kaqen ri tzobaj nukarne'l. Y chiri' xke'ayuq'uj ri taq atzuntzun rat chikinaqaj ri taq mo'k ri kichin ri yuq'unela'.

Wuj Richin Etamabel-Tzij 27:10

Ri awachibil rat y ri e rachibil ri atata', kan man k'a ke'amestaj, roma ri q'ij toq xkaqaqa pa jun ruk'ayewal, man nik'atzin ta chi ja na ri rachoch ri awach'alal ri nakanoj; kan achi'el nubij ri tzij: Más nitikir yaruto' jun wineq ri k'o naqaj, ke chuwech ri awach'alal ri xa nej k'o-wi.

Marcos 14:66

Toq ri Pedro k'o ri chuwa-jay-qa, k'o k'a jun xten raj-ik' ri nimalej sacerdote ri xapon ri chiri'.

Wuj Richin ri Rut 2:21

Y ri Rut xubij: Ri achin ri' xubij chuqa' chuwe chi utz chi yitzeqe' chikij ri raj-ik'a' ixoqi' y keri' ninben k'a toq xtik'is na ri q'atoj, xcha'.

Wuj Richin ri Rut 2:23

Y ri Rut kan keri' xuben; xk'oje' chikikojol ri raj-ik'a' ri Booz. Xpich'olin chiri' k'a toq xk'is na ronojel ri ruq'atik ri cebada y chuqa' ruq'atik ri trigo. Y rija' kan ronojel k'a q'ij nitzolin rik'in ri ralite'.