Wuj Richin ri Rut 2:20 - Kaqchiquel Bible

²⁰ Y ri Noemí xubij k'a: Ja ta ri Dios xtiya'on rutzil pa ruwi' rija', roma janila utz ri najin chubanik qik'in roj ri k'a oj k'es na kan, y xa kan jun utzil chuqa' ri najin chubanik chike ri ánima taq qachijilal. Ri achin ri' xa kan qach'alal-wi, roma ri' kan yojruto' y tikirel chi nok jun kolonel qichin, xcha' ri Noemí chire ri Rut.

Wuj Richin ri Rut 2:20 ပူးပေါင်းရင်းမြစ်များ

2 Sam 2:5

Y roma ri' ri David xeruteq-el ka'i-oxi' uk'uey rutzijol k'a kik'in ri achi'a' ri' y xuteq rubixik chike: Ja ri Jehová xtiya'on urtisanik pan iwi' rix, roma xiben ri jun nimalej utzil rik'in ri Saúl, ri qa-rey, richin ximuq toq xken.

Wuj Richin Etamabel-Tzij 17:17

Ri wineq ri kan qitzij achibil, kan nrajo-wi ri rachibil stape' k'o pa rutzil o ruk'ayewal; jun ach'alalri'il xalex chuwech re ruwach'ulew richin chi nuto' ri rach'alal toq napon pa ruk'ayewal.

Wuj Richin ri Chojmirisabelri'il 25:25

Wi k'o ta jun iwinaq ri nik'oje' pa meba'il y roma ri' nuk'ayij juba' rulew, ri rach'alal ri k'o más naqaj chire rija' k'o chi nuloq' kan ri nuk'ayij kan ri rach'alal.

Filipenses 4:10

Janila k'a nikikot wánima y yimatioxin chire ri ajaw roma kan xinoqaqa chik chi'ik'u'x. Man roma ta k'a xinimestaj yan, xa roma man ix tikirineq ta iq'alajirisan-pe chuwe.

Wuj Richin ri Achin Job 19:25

Jak'a yin kan wetaman chi k'o jun ri k'o chila' chikaj ri nito'on wichin, y kan xkiruya' chik chupan ri nuk'ojlen. Rija' kan k'o k'a jun q'ij xtitzolin-pe, y xkiruyek-pe ri pan ulew akuchi in muqul-wi.

2 Sam 9:1

K'o k'a jun q'ij ri David xuk'utuj chi wi k'o ta jun chike ri e rijatzul ri rey Saúl ri k'a k'es kan. Keri' xubij roma nrajo' nuben utzil chire roma ri ajowabel ri xk'oje' rik'in ri Jonatán toq xk'ase'.

Wuj Richin ri Rut 4:14

Y jari' toq ri ixoqi' richin ri tinamit xkibij chire ri Noemí: Niqaya' ruq'ij ri Jehová roma xuya' jun awiy, ri xtichajin awichin y niqarayibej k'a chi xtok ta jun nimalej achin chiqakojol roj ri aj-Israel.

Wuj Richin ri Rut 4:6

Y toq ri ach'alalri'il xrak'axaj keri', xubij: Wi keri', más utz man ninloq' ta kan ri ulew, roma pa ruk'exel chi nok-qa wichin, xa nel chik kan pa nuq'a' y ri walk'ual xa man xtikichinaj ta kan re'. Más utz ninya' kan pan aq'a' chi ja rat kaloq'o ri ulew, roma yin man yitikir ta ninloq', xcha' ri ach'alalri'il.

Wuj Richin ri Rut 2:21

Y ri Rut xubij: Ri achin ri' xubij chuqa' chuwe chi utz chi yitzeqe' chikij ri raj-ik'a' ixoqi' y keri' ninben k'a toq xtik'is na ri q'atoj, xcha'.

Wuj Richin ri Rut 3:12

Kan qitzij na wi chi yin in rach'alal kan ri awachijil, man rik'in ri', k'a k'o kan jun chik rach'alal ri más naqaj, y ja na rija' xtibin chi wi nrajo' nok awachijil y ato'onel.

Wuj Richin ri Rut 4:4

Y xinquqa' jebel chi ja rat ri ruk'amon chi yaloq'on kan ri ulew ri' chikiwech re achi'a' re', ri k'o kiq'ij chupan re qatinamit. Tabij chikiwech rije' wi nawajo' naloq' kan y wi man nawajo' ta kan taq'alajirisaj jumul, roma wi keri' kan ja yin ri xkiloq'on kan ri', roma yin kan in rach'alal kan chuqa' ri Elimélec, xcha' ri Booz. Y ri rach'alal xubij chi kan nuloq' kan ri ulew ri'.