Wuj Richin ri Rut 2:15 - Kaqchiquel Bible

¹⁵ Y toq ri Rut kolawineq chik, y xyakatej yan el richin chi xuchop chik jun bey nipich'o'l, jari' toq ri Booz xubij chike ri rusamajela': Tiya' q'ij chire richin yerumol-el ri ruwi' taq cebada ri yetzaq kan chire ri boraj y man jun tibanon chire chi man yerumol ta el.

Wuj Richin ri Rut 2:15 ပူးပေါင်းရင်းမြစ်များ

Santiago 1:5

Y wi ek'o qach'alal chi'ikojol ri nikajo' chi nik'oje' kina'oj, tikik'utuj chire ri Dios. Y rija' kan man xtupoqonaj ta xtuya-pe k'iy chike. Keri' nuben qik'in qonojel ri yojk'utun, y man jun achike ta xtubij chiqe.

Wuj Richin ri Chojmirisabelri'il 23:22

Toq napon ri q'ij richin nik'ol ri tiko'n man k'a tikanoj-pe ronojel y man k'a tipich'olij-pe ri xk'oje' kan, roma re' kan tiya' kan chike ri man jun k'o kik'in y chike ri man e iwinaq ta, yin Jehová, ri Dios iwichin rix ri yibin, xcha'.

Wuj Richin ri Rut 2:14

Y toq jari' yebewa', ri Booz xubij chire ri Rut: Katanpe richin yawa', k'o wey qik'in y junan xtakeq' away qik'in chupan re q'utun ri k'o vinagre rik'in, xcha'. Y ri Rut xtz'uye' k'a apo junan kik'in ri samajela', y ri Booz xuya' cebada k'ilin chire y jebel xwa', y rija' xuyek k'a janipe' ri man xuk'is ta chire ri xukochij.

Wuj Richin ri Rut 2:16

Y chuqa' tibana' utzil chi kan pa rubanik tibana' chi nitzaqala' kan juba' richin numol-el rija', y man kixch'olin chirij, xcha' ri Booz chike.

Wuj Richin ri Chojmirisabelri'il 19:9

Toq napon ri q'ij richin nik'ol ruwech ri itiko'n, tiya' kan juba' chuchi', y chuqa' man kixpich'olin-el.