Wuj Richin ri Rut 2:13 - Kaqchiquel Bible

¹³ Y ri Rut xubij: Táta, kan jantape' ta xtink'ul utzil awik'in, roma ri ch'abel ri xabij chuwe kan xapon k'a pa wánima y janila nukuquba' nuk'u'x, roma kan xach'on wik'in rik'in ajowabel, stape' xa man in asamajel ta, y chuqa' man in jun ta chike ri awaj-ik'a', xcha' ri Rut.

Wuj Richin ri Rut 2:13 ပူးပေါင်းရင်းမြစ်များ

1 Sam 1:18

K'ari' ri Ana xumatioxij kan chire, y xtzolin ri akuchi k'o-wi, xbewa' y kan janila xkikot.

Wuj Richin ri Rutikeribel 34:3

Jak'a ri Siquem man xuya' ta chik kan ri Dina y xbe ránima chirij. Y xutej ruq'ij chirij ri Dina richin chi xajowex ta.

Wuj Richin ri Rutikeribel 33:8

Y ri Esaú xuk'utuj chire ri Jacob: ¿Achike nawajo' nach'ek rik'in ri q'ataj awej ri e nuk'ulun kan pa bey?, xcha'. Y ri Jacob xubij: Richin yensipaj chawe richin ninwil utzil awik'in, xcha'.

Filipenses 2:3

Ronojel ri niben, man tiben richin ninimirisaj-iwi' o richin chi xaxe chi utz yixk'ulun. Xa tiqasaj-iwi', y tibana' chi ja ri ch'aqa' más kiq'ij chiwech rix.

2 Sam 16:4

K'ari' ri rey xubij chire ri Sibá: Wakami k'a, ronojel ri rulew ri Mefi-bóset xtinwelesaj chire y xtinya' chawe rat, xcha'. K'ari' ri Sibá xubij: Yin ri in asamajel. Kan xtinqasaj k'a wi' chawech, y kan ta beneq ruwech xtinwil utzil awik'in rat, xcha'.

1 Sam 25:41

K'ari' rija' xulukuba-qa-ri' k'a pan ulew y xubij: Jare' ink'o yin ri in rusamajel ri David, richin ninch'ej kaqen ri rusamajela' rija', wi keri' nrajo', xcha' ri Abigail.

Wuj Richin ri Rutikeribel 43:14

Y kan ja ta k'a ri Dios ri k'o ronojel uchuq'a' pa ruq'a' xtich'on pa ránima ri achin ri', richin nrelesaj-pe ri iwach'alal Simeón y man ta k'a xtuk'en kan re Benjamín. Y wi man jun chik walk'ual xtik'oje' kan, keri' k'ari', man jun xtinben, xcha' ri Jacob.

Wuj Richin ri Rutikeribel 33:15

Y ri Esaú xubij: Wi keri', taya' q'ij chuwe richin yenya' kan e ka'i-oxi' achi'a' awik'in ri e peteneq chuwij, xcha'. Jak'a ri Jacob xubij chire: Man nik'atzin ta chi naben keri'. Yin xa yiruben rik'in ri xinwil utzil awik'in rat, wajaw yin, xcha'.

Wuj Richin ri Rutikeribel 33:10

Jak'a ri Jacob xubij chire: Yin nink'utuj utzil chawe chi wi kan qitzij xjunamatej-qawech, tak'ulu' re nusipanik re nuk'amon-pe chawe, roma re xqatz'et chik qawech, kan achi'el xintz'et ruwech ri Dios. Roma kan rik'in utzil xinak'ul.

Wuj Richin Etamabel-Tzij 15:33

Ri rukiy ri Jehová chuwech ri wineq, kan jari' ri nik'utun ri na'oj chuwech; roma ri wineq k'o chi nuqasaj-ri' chuwech ri Dios nabey, richin nik'oje' ruq'ij.

Wuj Kichin ri To'onela' 19:3

toq xapon ri rachijil richin xberubochi'ij richin nitzolin chik rik'in; ruk'uan k'a el jun rusamajel y ka'i' bur. Y ri ixoq xukusaj-apo pa rachoch ri rutata'.

Wuj Richin ri Rut 2:12

Ja ri Jehová ri qa-Dios roj xtiya'on rajel ruk'exel chawe roma ri yatajin chubanik y kan xtak'ul rajel ruk'exel pa ruq'a' ri qa-Dios roj ri aj-Israel, ri achoq ik'in akuquban-wi ak'u'x rat, xcha' ri Booz.

Wuj Richin ri Rut 2:14

Y toq jari' yebewa', ri Booz xubij chire ri Rut: Katanpe richin yawa', k'o wey qik'in y junan xtakeq' away qik'in chupan re q'utun ri k'o vinagre rik'in, xcha'. Y ri Rut xtz'uye' k'a apo junan kik'in ri samajela', y ri Booz xuya' cebada k'ilin chire y jebel xwa', y rija' xuyek k'a janipe' ri man xuk'is ta chire ri xukochij.

Wuj Richin ri Rutikeribel 32:6

Y toq ri e uk'uey rutzijol ri e rutaqon-el ri Jacob xetzolin-pe, xokibij chire: Xojpe rik'in ri awach'alal Esaú. Y rija' chuqa' peteneq richin yatoruk'ulu' y e rachibilan-pe e 400 achi'a', xcha'.

Os 2:16

Toq xtapon k'a ri q'ij ri' ri tinamit Israel kan xtubij k'a chuwe: Wachijil yin. Kan man jun bey chik k'a xtubij chuwe: Nu-Baal yin.